શું તમે જાણો છો પોંગલ શા માટે ઉજવાય છે અને શું છે તેની અનોખી પરંપરા ?

15 જાન્યુઆરીના દિવસે પોંગલની ઉજવણી કરવામાં આવે છે. પોંગલ એ તમિલનાડુમાં ઉજવાતા મુખ્ય તહેવારોમાંનો એક છે. તમિલનાડુમાં આ તહેવારનું વિશેષ મહત્ત્વ છે. પોંગલના દિવસે ચોખા અને દૂધની ખાસ વાનગીઓ બનાવવામા આવે છે. અને તેને પરિવારો સાથે જમીને ઉજવણી કરે છે.

પોંગલનો તહેવાર ક્યારે આવે?

પોંગલને દર વર્ષે 14-15 જાન્યુઆરીના રોજ ઉજવવામાં આવે છે. આ તહેવાર લણણીની સિઝન સાથે સંકળાયેલ છે. પોંગલનો પરંપરાગત રીતે સમૃદ્ધિને સમર્પિત તહેવાર છે, જેમાં સમૃદ્ધિ લાવવા માટે વરસાદ, સૂર્યપ્રકાશ અને ખેતરના પશુઓની પૂજા કરવામાં આવે છે. ચાર દિવસ સુધી આ તહેવારની ઉજવણી કરવામા આવે છે.

ચાર દિવસ સુધી ઉજવણી

પોંગલનો તહેવાર મુખ્યત્વે સૂર્યની ઉપાસના માટે જાણીતો છે. પોંગલનો તહેવાર તમિલનાડુમાં ભારે ઉત્સાહ અને ઉમંગ સાથે ઉજવવામાં આવે છે. 4 દિવસ સુધી ચાલનારા આ તહેવારના પ્રથમ દિવસને ‘ભોગી પોંગલ’, બીજા દિવસને ‘સૂર્ય પોંગલ’, ત્રીજા દિવસને ‘મટ્ટુ પોંગલ’ અને ચોથા દિવસને ‘કન્નમ પોંગલ’ તરીકે ઉજવવામાં આવે છે. પોંગલના દરેક દિવસે અલગ અલગ પરંપરાઓ અને રિવાજોનું પાલન કરવામાં આવે છે. મકરસંક્રાંતિ અને લોહરીની જેમ પોંગલ પણ પાક અને ખેડૂતોનો તહેવાર છે. પોંગલનો તહેવારને તમિલનાડુમાં નવા વર્ષ તરીકે પણ ઉજવવામાં આવે છે. પોંગલમાં, સમૃદ્ધિ માટે વરસાદ, સૂર્યપ્રકાશ અને કૃષિ સંબંધિત વસ્તુઓની પૂજા કરવામાં આવે છે.

પોંગલની કેવી રીતે કરાય છે ઉજવણી?

પોંગલના પ્રથમ દિવસે, લોકો સવારે વહેલા ઉઠે છે, સ્નાન કરે છે, નવા કપડાં પહેરે છે અને નવા વાસણમાં દૂધ, ચોખા, કાજુ અને ગોળ સાથે પોંગલ નામનું ભોજન તૈયાર કરે છે. સૂર્યને ચઢાવવામાં આવતો પ્રસાદ પાગલ કહેવાય છે. પૂજા પછી, લોકો પોંગલ પર એકબીજાને અભિનંદન આપે છે.ખેતી કરતા ખેડૂતો માટે ગાય અને બળદનું પણ ખૂબ મહત્વ હોવાથી પોંગલના તહેવાર પર તેમની પૂજા પણ કરવામાં આવે છે. ખેડૂતો આ દિવસે તેમના બળદને નવડાવે છે અને તેમને શણગારે છે. આ દિવસે ઘરમાં રહેલી ખરાબ વસ્તુઓ અને વસ્તુઓને પણ બાળવામાં આવે છે અને નવી વસ્તુઓ ઘરમાં લાવવામાં આવે છે. પોંગલના તહેવાર પહેલા ઘણા લોકો પોતાના ઘરને ખાસ સજાવે છે.

આ પણ વાંચો : માત્ર લોહરી અને મકરસંક્રાંતિ જ નહીં, જાન્યુઆરીમાં ઉજવવામાં આવે છે આ 8 તહેવારો