શું તમે જાણો છો હિંડનબર્ગ કંપનીના અસલી માલિક નાથન એન્ડરસન કોણ છે ?

અદાણી હિંડનબર્ગ સાગા: અદાણી ગ્રૂપને કરોડોનું નુકસાન કરનાર આ અહેવાલ કોણે બનાવ્યો? શું તમે જાણો છો કે કંપની બનાવતા પહેલા હિન્ડેનબર્ગના માલિકો શું કરતા હતા? તેના વિશે આ વાત સામે આવી.

આ પણ વાંચો : શેરના ભાવ ડાઉન થતાં વિશ્વ ધનિકોની યાદીમાં અદાણી પહોંચી ગયા આ ક્રમે !

હિંડનબર્ગે એક અહેવાલ બહાર પાડ્યો છે અને વિશ્વના ટોચના ધનિકોમાંના એક એવા ગૌતમ અદાણીની તમામ કંપનીઓના શેર ઘટવા લાગ્યા. આખરે આ કંપનીએ એવું શું કર્યું કે રાતોરાત અદાણીના શેર નીચે આવી ગયા. તમને જણાવી દઈએ કે હિંડનબર્ગે એક રિપોર્ટ જાહેર કર્યો છે. જેમાં અદાણી ગ્રુપ પર આરોપ લગાવવામાં આવ્યો છે કે આ ગ્રુપની કંપનીઓએ માર્કેટમાં હેરાફેરી અને એકાઉન્ટ્સમાં છેતરપિંડી કરી છે. જોકે અદાણી ગ્રુપે આ આરોપોને પાયાવિહોણા ગણાવ્યા છે. ચાલો જાણીએ કે નાથન એન્ડરસને આ કંપની કેવી રીતે શરૂ કરી અને કંપની બનાવતા પહેલા તેણે શું કર્યું?

નાથન એન્ડરસન હિંડનબર્ગના માલિક છે

નાથન એન્ડરસન યુએસએની કનેક્ટિકટ યુનિવર્સિટીમાંથી ઇન્ટરનેશનલ બિઝનેસમાં સ્નાતક થયા છે. સ્નાતક થયા પછી, તે નોકરીની શોધમાં હતા. આ દરમિયાન તેને ડેટા રિસર્ચ કંપનીમાં કામ કરવાની તક મળી. અહીં તેણે પૈસાના રોકાણને લગતા કાર્યો કરવાના હતા.

વર્ષ 2017માં પોતાની કંપની બનાવી

કામ કરતી વખતે, તે ડેટા અને શેર બજારની તમામ નાનામાં નાની બાબતો સમજી લીધી. તેમજ તેણે એ પણ સમજી લીધુ કે કશેર બજાર ધનિકોનો સૌથી મોટો આધાર છે. તેમના મતે, શેરબજારમાં કંઈક એવું થઈ રહ્યું છે જે સામાન્ય લોકો જાણતા નથી. આના કારણે તેને ફાઇનાન્સિયલ રિસર્ચ કંપની બનાવવાનો વિચાર આવ્યો અને 2017માં તેણે એન્ડરસન હિંડનબર્ગ નામની કંપની બનાવી.

આ ક્ષેત્રો પર સંશોધન કરે છે

આ કંપની ઇક્વિટી, ક્રેડિટ, સ્ટોક માર્કેટ અને ડેરિવેટિવ્ઝ પર સંશોધન કરે છે. સંશોધન દ્વારા કંપની શોધે છે કે શેરબજારમાં શું ખોટું થઈ રહ્યું છે? ક્યાં પૈસાની હેરાફેરી થઈ રહી છે? શું કોઈ કંપની શેરબજારમાં અન્ય કંપનીઓને ખોટી રીતે નુકસાન પહોંચાડી રહી છે?

શું ખરેખર અગાઉ પણ અહેવાલની અસર જોવા મળી છે?

સંશોધન કર્યા પછી, કંપની લોકોમાં એક અહેવાલ પ્રકાશિત કરે છે અને ઘણી વખત આ કંપનીના અહેવાલની વિશ્વભરના શેરબજાર પર અસર થઈ છે. આ જ હિંડનબર્ગે હવે અદાણી ગ્રુપ માટે પણ રિપોર્ટ જારી કર્યો છે.