શું તમારે પણ તમારી ગાડી માટે VIP નંબર મેળવવો છે? અહીં જાણો સંપૂર્ણ પ્રોસેસ
HD ન્યૂઝ ડેસ્ક, 15 જૂન: દેશમાં વાહનોનું રેકોર્ડ વેચાણ થઈ રહ્યું છે. આમાં મોંઘા વાહનોનો મોટો હિસ્સો છે. યુવાનોને વાહનો પ્રત્યે ખૂબ જ લગાવ છે. તે નવી કારના ઈન્ટિરિયર પર અને પોતાની પસંદનો નંબર મેળવવા પાછળ લાખો રૂપિયા ખર્ચી રહ્યા છે. તેથી આ દિવસોમાં યુનિક અથવા વીઆઈપી નંબરની માંગ ઝડપથી વધી છે. જો તમે પણ નવી કાર ખરીદી રહ્યા છો અને યુનિક અથવા VIP નંબર મેળવવાનું વિચારી રહ્યા છો, તો અમે તમને આ સમગ્ર પ્રક્રિયાની સંપૂર્ણ પ્રોસેસ જણાવી રહ્યા છીએ. તમે આ સ્ટેપ્સ ફોલો કરીને તમારી પસંદગીનો નંબર સરળતાથી મેળવી શકો છો.
જો કે, તમારા માટે એ જાણવું અગત્યનું છે કે ફેન્સી VIP નંબર પ્લેટ પ્રીમિયમ કિંમતે મળે છે. આ વિશેષ નોંધણી નંબરો હવે પ્રાદેશિક પરિવહન કાર્યાલય (RTO) દ્વારા હાથ ધરવામાં આવતી ઈ-ઓક્શન દ્વારા આપવામાં આવે છે, જ્યાં વ્યક્તિઓ તેમની પસંદગીની નંબર પ્લેટ માટે બોલી લગાવી શકે છે. જો તમે સૌથી વધુ બોલી લગાવશો તો તમને ફેન્સી નંબર મળશે.
નોંધણી ફી અને અન્ય શુલ્ક
મોટા ભાગના કિસ્સાઓમાં, VIP નંબર મેળવનાર કોઈપણને ચોક્કસ નોંધણી ફી ચૂકવવી પડે છે. એકવાર કોઈ વ્યક્તિને નંબર ફાળવવામાં આવે તે પછી, બાકીની રકમ ચોક્કસ સમયમર્યાદામાં આરટીઓને ચૂકવવાની હોય છે. જો તેના સમય મુજબ ચૂકવણી કરવામાં ના આવે તો અરજી રદ કરવામાં આવે છે.
ફેન્સી/ VIP નંબર પ્લેટ કેવી રીતે મેળવવી?
- માર્ગ પરિવહન અને ધોરીમાર્ગ મંત્રાલય (MoRTH) ની વેબસાઇટ પર જાહેર વપરાશકર્તા તરીકે ઑનલાઇન નોંધણી કરો.
- એક એકાઉન્ટ બનાવો અને લોગ ઇન કરો.
- તમારી સંબંધિત પ્રાદેશિક પરિવહન કચેરી (RTO) પસંદ કરો અને ઉપલબ્ધ સૂચિમાંથી તમારો પસંદગીનો ફેન્સી નંબર પસંદ કરો. તમે તમારા મનપસંદ અંકો દાખલ કરીને VIP નંબરની ઉપલબ્ધતા પણ ચકાસી શકો છો. દરેક VIP નંબર માટે ચાર્જ પ્રદર્શિત થાય છે.
- નોંધણી ચાર્જ ચૂકવો અને તમારો પસંદ કરેલ નંબર આરક્ષિત કરો.
- તમારી મનપસંદ અનન્ય નંબર પ્લેટ માટે હરાજીમાં ભાગ લો. તમારી બોલી લગાવો અને સ્પર્ધાત્મક બોલી માટે તેનું નિરીક્ષણ કરો. જો તમારી બોલી સૌથી વધુ હશે તો તમને તે નંબર મળશે.
- ઈ-ઓક્શન પછી નંબર પ્લેટ મેળવવા માટે પેમેન્ટ કરો.
- ફાળવણી નંબરની પ્રિંટ કરો, જે તમારી VIP નંબર પ્લેટ માટે છે.
VIP નંબર પ્લેટની ઉપલબ્ધતા ઓનલાઈન કેવી રીતે તપાસવી?
- MoRTH વેબસાઈટની મુલાકાત લો અને પેજના નીચે ‘ચોઈસ નંબર’ બટન પર ક્લિક કરો.
- ઉપલબ્ધ નંબરો જોવા માટે રાજ્ય અને સંબંધિત પ્રાદેશિક પરિવહન કાર્યાલય (RTO) પસંદ કરો.
- જો ખરીદદારોના ધ્યાનમાં ચોક્કસ નંબર હોય, તો તેઓ ઉપલબ્ધતા તપાસવા માટે તેને દાખલ કરી શકે છે.
આ પણ વાંચો: દુર્ઘટના પછી પરિવારનો કોઈ સભ્ય ન મળે તો વીમાનો દાવો કેવી રીતે કરી શકાય?
