દુબઈની આ જગ્યાઓ ન કરતા મિસ, જાણો ત્યાં જવાનો બેસ્ટ ટાઈમ?
- દુબઈ જવાનું સપનું લગભગ દરેક વ્યક્તિને હોય છે. અહીંની ઊંચી ઈમારતો, નાઈટલાઇફ, અદભૂત શોપિંગ મોલ્સ અને વિવિધ વ્યંજનો આ સ્થાનને વિશેષ બનાવે છે, જો તમે દુબઈ જવાના પ્લાનિંગમાં હો તો દુબઈની કેટલીક જગ્યાઓ મિસ કરવા જેવી નથી
HD ન્યુઝ ડેસ્કઃ દુબઈ ખૂબ જ વૈભવી અને સુંદર શહેર છે. આ તે જગ્યાઓમાં સામેલ છે, જ્યાં જવાનું સપનું લગભગ દરેક વ્યક્તિને હોય છે. અહીંની ઊંચી ઈમારતો, નાઈટલાઇફ, અદભૂત શોપિંગ મોલ્સ અને વિવિધ વ્યંજનો આ સ્થાનને વિશેષ બનાવે છે. મોટાભાગના લોકો પરિવાર સાથે આ સ્થળની મુલાકાત લેવાનું પસંદ કરે છે. આ સ્થાન પર તમે બીચથી લઈને રણ સુધી બધાની મજા માણી શકો છો. તમે પ્રકૃતિ પ્રેમી હોય કે સાહસ પ્રેમી, આ જગ્યા દરેક માટે સારી માનવામાં આવે છે. આ શહેરે દુનિયાભરમાં પોતાની આગવી ઓળખ બનાવી છે. જો તમે પણ અહીં જવાનું વિચારી રહ્યા છો, તો ફરવા માટેનો બેસ્ટ ટાઈમ અને દુબઈની બેસ્ટ જગ્યાઓ જાણી લો
દુબઈમાં જોવાલાયક સ્થળો
બુર્જ ખલીફા
વિશ્વની સૌથી ઊંચી ઈમારત બુર્જ ખલીફા અહીં જોવા માટેની બેસ્ટ જગ્યા છે. અહીં તમે વિશ્વની સૌથી ઊંચી રેસ્ટોરાંની મુલાકાત લઈ શકો છો. તે 122મા માળે છે. અહીં ખાવાનો એક અલગ જ અનુભવ હશે. એવું કહેવાય છે કે દુબઈની ટ્રિપ બુર્જ ખલીફા જોયા વિના અધૂરી રહેશે.
દુબઈ ડેઝર્ટ સફારી
હોલિવૂડ અને બોલિવૂડની ફિલ્મોમાં તમે આ ડેઝર્ટ સફારી જોઈ હશે. તે લોકોને ખૂબ આકર્ષે છે. અહીં જીપ કે જીપ્સી, ઊંટની સવારી, ક્વોડ બાઇક, સેન્ડ બોર્ડિંગ વગેરે રેતીના ટેકરા પર ચલાવવામાં આવે છે.
પામ જુમેરાહ
પામ જુમેરાહ પ્રતિષ્ઠિત માનવ નિર્મિત દ્વીપ તેના ટ્રેડમાર્ક પામ વૃક્ષના આકાર માટે પ્રખ્યાત છે. અહીં બીચ પર બંગલા, લક્ઝુરિયસ બુટિક, આલિશાન હોટેલ્સ અને મોંઘી રેસ્ટોરાં છે.
દુબઈ મ્યુઝિયમ
દુબઈ મ્યુઝિયમ એ શહેરનું સૌથી જૂનું મ્યુઝિયમ છે. તમે આ મ્યુઝિયમમાં અમીરાતનો ઈતિહાસ જોઈ શકો છો. અહીં તમને દુબઈ સાથે જોડાયેલી અદ્ભુત વાર્તાઓનો પરિચય થશે.
દુબઈ ફાઉન્ટેન
દુબઈ ફાઉન્ટેન 24 એકરના બુર્જ લેકની મધ્યમાં બનેલો છે. ઉપરાંત તે ભવ્ય બુર્જ ખલીફાની સામે છે. મોટા ફુવારામાંથી નીકળતું પાણી અને તેમાં દેખાતી રંગબેરંગી લાઈટો જોવાની મજા અનન્ય છે.
દુબઈ જવાનો શ્રેષ્ઠ સમય કયો છે?
આ એક આંતરરાષ્ટ્રીય સ્થળ છે. તેની મુલાકાત લેવાનો, ત્યાં ફરવા જવાનો શ્રેષ્ઠ સમય નવેમ્બર, ડિસેમ્બર, જાન્યુઆરી, ફેબ્રુઆરી અને માર્ચ છે. આ પીક સીઝન છે, તેથી થોડી ભીડજોવા મળી શકે છે. પરંતુ પીક સીઝન દરમિયાન દુબઈમાં હવામાન સ્વચ્છ હોય છે. વાદળી આકાશ અને હળવી ઠંડી સાંજ હોય છે.
આ પણ વાંચોઃ તમે સોલો ટ્રાવેલિંગના શોખીન છો અને મહિલા છો, તો પહેલા જાણી લો આ પડકારો
