દિવ્યા ખોસલાએ ‘જિગરા’ના કલેક્શનને ફેક ગણાવ્યું, દીકરી પર વાત આવી તો કરણ જૌહર ગુસ્સે થયો

મુંબઈ – 13 ઓકટોબર :   આલિયા ભટ્ટ અને વેદાંગ રૈના અભિનીત ‘જિગરા’ 11 ઓક્ટોબરના રોજ સિનેમાઘરોમાં રિલીઝ થઈ હતી, જેને લઈને ઈન્ડસ્ટ્રીમાં એક નવો વિવાદ ઉભો થઈ રહ્યો હોય તેવું લાગી રહ્યું છે. તાજેતરમાં જ દિવ્યા ખોસલા કુમારે આલિયા ભટ્ટની ફિલ્મ ‘જિગરા’ વિશે એક પોસ્ટ શેર કરી હતી, જેમાં તેણે દાવો કર્યો હતો કે જિગરાનું બોક્સ ઓફિસ કલેક્શન નકલી છે. થિયેટર ખાલી છે અને અભિનેત્રીની ફિલ્મ જોવા માટે કોઈ જતું નથી. દિવ્યાએ તેની ઇન્સ્ટાગ્રામ સ્ટોરી પર જિગરા અને આલિયા ભટ્ટ સાથે સંબંધિત એક પોસ્ટ શેર કરી છે, જેણે દરેક જગ્યાએ ચર્ચા જગાવી છે અને હવે આ પોસ્ટને કારણે બોલિવૂડમાં એક નવો વિવાદ છેડાયો હોય એવું જોવા મળી રહ્યું છે.

દિવ્યાએ આલિયા પર આરોપ લગાવ્યો
આલિયા પર જિગરાનું નકલી કલેક્શન બતાવવાનો આરોપ લગાવતા દિવ્યા ખોસલાએ ખાલી સિનેમા હોલની તસવીર શેર કરી અને કેપ્શનમાં લખ્યું- “પોતે જ ટિકિટ કરાવો અને નકલી કલેક્શન જાહેર કરો. હું જિગરાને જોવા માટે સિટી ઑફ મોલ પીવીઆર ગઈ હતી, જ્યાં થિયેટર ખાલી હતું. આલિયા ભટ્ટે પોતે જ ટિકિટ ખરીદી હતી અને નકલી કલેક્શનની જાહેરાત કરી હતી.

કરણ જોહરે નામ લીધા વગર આ જવાબ આપ્યો
દિવ્યાની આ પોસ્ટ પછી કરણ જોહરે તેની ઈન્સ્ટાગ્રામ સ્ટોરી પર એક પોસ્ટ પણ શેર કરી હતી, જેમાં તેણે કોઈનું નામ લીધું નથી, પરંતુ પોસ્ટને જોઈને લાગે છે કે કરણની આ પોસ્ટ દિવ્યા ખોસલાને જવાબ છે. તેણે પોતાની પોસ્ટમાં લખ્યું- ‘મૂર્ખને આપવામાં આવેલું શ્રેષ્ઠ ભાષણ મૌન છે.’

દિવ્યા ખોસલાએ જવાબ આપ્યો
ભલે કરણે તેની પોસ્ટમાં દિવ્યાના નામનો ઉલ્લેખ ન કર્યો, પરંતુ અભિનેત્રીએ પણ જવાબ આપવામાં મોડું ન કર્યું. ત્યારબાદ તેણે એક પોસ્ટ શેર કરી, જેમાં તેણે લખ્યું- ‘સત્ય હંમેશા મૂર્ખને અપમાનિત કરે છે.’ અન્ય એક પોસ્ટમાં દિવ્યાએ લખ્યું- ‘જ્યારે તમે બીજાની સારી વસ્તુને ચોરવાના આદિ થઈ જાઓ છો ત્યારે તમે મૌનનો સહારો લો છો. તમારી પાસે કોઈ અવાજ હોતો નથી, કોઈ કરોડરજ્જુનું હાડકું હોતું નથી’

જિગરા બોક્સ ઓફિસ કલેક્શન
મીડિયા રિપોર્ટ્સ અનુસાર, આલિયાની ફિલ્મ ‘જીગરા’ એ દેશમાં પહેલા દિવસે 4.5 કરોડ રૂપિયાનું કલેક્શન કર્યું હતું. જોકે, દિવ્યા ખોસલાને ફિલ્મના પ્રથમ દિવસના કલેક્શનને લઈને શંકા છે. રસપ્રદ વાત એ છે કે દિવ્યાની ‘સાવી’માં પણ આલિયાની ‘જિગરા’ જેવી જ જેલ બ્રેક સ્ટોરી દર્શાવવામાં આવી હતી. ‘સાવી’ બે અઠવાડિયા સુધી સિનેમાઘરોમાં માત્ર 7.83 કરોડ રૂપિયાની કમાણી કરી શકી. ‘ચંદુ ચેમ્પિયન’ને કારણે ફિલ્મ થિયેટરોમાં વધુ દર્શકો મેળવી શકી ન હતી.

દિવ્યાએ જિગરાને કેમ નિશાન બનાવી?
આલિયાની ‘જિગરા’ની વાત કરીએ તો ફિલ્મે પહેલા દિવસે 4.5 કરોડની કમાણી કરી હતી. આલિયાએ પોતે ટિકિટ ખરીદી હોવાના દિવ્યાના દાવા છતાં, બંને ફિલ્મોના કલેક્શનમાં ઘણો તફાવત છે. દિવ્યાએ ‘જિગરા’ પર શંકા બતાવવાનું બીજું કારણ રાજકુમાર રાવ અને તૃપ્તિ દિમરી અભિનીત ‘વિકી વિદ્યા કા વો વાલા વિડિયો’ હોવાનું પણ માનવામાં આવે છે, જે બોક્સ-ઓફિસ પર ‘જિગરા’ સાથે ટકરાઈ હતી. ‘વિકી વિદ્યા કા વો વાલા વીડિયો’ દિવ્યાના પતિ ભૂષણ કુમારે બનાવી છે.

આ પણ વાંચો : શું દેશમાં ટ્રેન-જેહાદ શરૂ થઈ છે? હવે સૈન્ય માટે સામગ્રી પસાર થવાની હતી એ ટ્રેક ઉપર ગેસ સિલિન્ડ મળ્યો