બનાસકાંઠા : સ્વાતંત્ર્ય પર્વની જિલ્લા કક્ષાની ઉજવણી ડીસા ખાતે કરાશે

• કાર્યક્રમના સુચારુ આયોજન માટે જિલ્લા કલેક્ટરના અધ્યક્ષસ્થાને બેઠક

બનાસકાંઠા 05 ઓગસ્ટ 2024 :  જિલ્લા કક્ષાના સ્વાતંત્ર્ય પર્વની ઉજવણી આ વર્ષે બનાસકાંઠા જિલ્લાના ડીસા મુકામે ટી.સી.ડી. ગ્રાઉન્ડ ખાતે કરવામાં આવશે. જિલ્લા કક્ષાના સ્વાતંત્ર્ય પર્વની ઉજવણીના સુચારુ આયોજન અને કાર્યક્રમની પૂર્વતૈયારીઓની સમીક્ષા અર્થે બનાસકાંઠા જિલ્લા કલેક્ટર વરૂણકુમાર બરનવાલના અધ્યક્ષસ્થાને કલેકટર કચેરી પાલનપુર ખાતે જિલ્લા વહીવટીતંત્રના અધિકારીઓની બેઠક યોજાઈ હતી.

સ્વતંત્રતા દિવસની ઉજવણી અંતર્ગત યોજાયેલી બેઠકમાં જિલ્લા કલેક્ટરએ વિવિધ કચેરીના અધિકારીઓને કચેરીને લગતી કામગીરી જેવી કે જિલ્લામાં આવનારા મહેમાનો, પોલીસ બંદોબસ્ત,પોલીસ પરેડ, એન.સી.સી. સ્કાઉટ, વૃક્ષારોપણ, વિવિધ સાંસ્કૃતિક કાર્યક્રમ, ઈનામ વિતરણ, બેઠક વ્યવસ્થા વગેરે પર ચર્ચા કરી હતી અને સંલગ્ન તમામ વ્યવસ્થાઓ સુચારુ રીતે ગોઠવાય તે જોવા માટે સંબંધિત અધિકારીઓને સૂચન કર્યું હતું.

આ પણ વાંચો : બનાસકાંઠા : ડીસા સુદામા વૃદ્ધાશ્રમના વડીલોને ભોજન પ્રસાદનું વિતરણ