તહેવારોની સિઝન પર આ બાઇક અને સ્કૂટીમાં ડિસ્કાઉન્ટ ઓફર, જાણો કિંમત

• Yamahaએ તેની લોકપ્રિય બાઈક અને સ્કૂટી મોડલ પર વિશેષ ઑફર્સની જાહેરાત કરી

HD ન્યૂઝ ડેસ્ક, 26 સપ્ટેમ્બર: જો કોઈ નવી બાઇક અથવા સ્કૂટર ખરીદવાનું વિચારી રહ્યું છે, તો આ તહેવારોની સિઝન તેમના માટે એક શાનદાર તક લઈને આવી છે. Yamaha ઈન્ડિયાએ તેની લોકપ્રિય બાઈક અને સ્કૂટી મોડલ પર વિશેષ ઑફર્સની જાહેરાત કરી છે. જેમાં કોઈને પણ ડિસ્કાઉન્ટની સાથે કૅશબૅક પણ મળશે. આ ઑફર Yamahaની FZ સિરીઝની બાઈક, RayZR 125 Fi Hybrid અને Fascino 125 Fi Hybrid સ્કૂટર મૉડલ પર લાગુ છે. સાથે જ આ વાહનોની ખરીદી પર ઓછા ડાઉન પેમેન્ટનો વિકલ્પ પણ ઉપલબ્ધ છે.

FZ સિરીઝ પર રૂ. 7,000 સુધીનું કૅશબૅક

 Yamahaની FZ સિરીઝની બાઈક ખરીદવા માટે તમારે ઓછામાં ઓછા 7,999 રૂપિયાનું ડાઉન પેમેન્ટ ચૂકવવું પડશે. આ સિવાય તમને 7,000 રૂપિયા સુધીનું કૅશબૅક પણ મળશે. FZ સિરીઝની બાઈક પરની આ ઓફર ખૂબ જ આકર્ષક છે, ખાસ કરીને જેઓ ઓછા બજેટમાં સારી બાઇક ખરીદવા માંગે છે. FZ-X અને FZ-S Ver 4.0 DLX જેવા કેટલાક મોડલ આ ઑફરમાં સામેલ નથી. આ બાઈક પર તમને કોઈ ડિસ્કાઉન્ટ કે કૅશબૅક નહીં મળે. પરંતુ આ ઑફર્સ FZ સિરીઝના અન્ય મોડલ પર લાગુ છે.

4,000 રૂપિયા સુધીનું કૅશબૅક

જો તમે સ્કૂટી ખરીદવાનું વિચારી રહ્યા છો, તો યામાહાએ RayZR 125 Fi Hybrid અને Fascino 125 Fi Hybrid પર પણ શાનદાર ઑફર્સ આપી છે. આ બંને મોડલ પર તમારે માત્ર 2,999 રૂપિયાનું ડાઉન પેમેન્ટ ચૂકવવું પડશે. આ સાથે તમે 4,000 રૂપિયા સુધીનું કૅશબૅક પણ મેળવી શકો છો. જોકે, RayZR Street Rally અને Aerox 155 જેવા સ્કૂટી મૉડલ આ ઑફરમાં સામેલ નથી. આના પર કોઈ ડિસ્કાઉન્ટ કે કૅશબૅક આપવામાં આવી રહ્યું નથી.

Yamaha FZ, RayZR અને Fascinoની કિંમતો

Yamaha FZ સિરીઝની બાઇકની કિંમત 1.16 લાખ રૂપિયાથી શરૂ કરીને 1.29 લાખ રૂપિયા છે. RayZRની કિંમત 85,030 રૂપિયાથી શરૂ થઈને 91,630 રૂપિયા છે. Yamaha Fascinoની કિંમત પણ એકદમ સસ્તી છે. તેનું ડ્રમ વેરિઅન્ટ 79,990 રૂપિયામાં અને ડિસ્ક વેરિઅન્ટ 91,430 રૂપિયામાં ઉપલબ્ધ છે. આ તમામ કિંમતો એક્સ-શોરૂમ છે, એટલે કે રોડ ટેક્સ અને અન્ય ચાર્જીસ અલગથી ભરવાના રહેશે.

આ પણ જૂઓ: Tata Nexonનું CNG મોડલ પાવરફુલ એન્જિન સાથે થયું લોન્ચ, જાણો કેટલી છે કિંમત