શ્રીલંકાના દિગ્ગજ નેતા દિનેશ ગુણવર્દનેને નવા વડાપ્રધાન તરીકે નિયુક્ત કરવામાં આવ્યા છે. તેમને નવા ચૂંટાયેલા રાષ્ટ્રપતિ રાનિલ વિક્રમસિંઘે દ્વારા પીએમ તરીકે નિયુક્ત કરવામાં આવ્યા છે. રાષ્ટ્રપતિ વિક્રમસિંઘે તેમને શપથ લેવડાવ્યા છે.
Dinesh Gunawardena appointed as the Prime Minister of Sri Lanka.
He took oath as the new Prime Minister at the Prime Minister’s Office on Flower Road, Colombo today.
(Photo source: NewsWire) pic.twitter.com/V6LnrpBQgj
— ANI (@ANI) July 22, 2022
શ્રીલંકાના નવા PM બન્યા દિનેશ ગુણવર્દને
પૂર્વ રાષ્ટ્રપતિ ગોટાબાયા રાજપક્ષેના કાર્યકાળ દરમિયાન એપ્રિલમાં ગુણવર્દનેને ગૃહમંત્રી બનાવવામાં આવ્યા હતા. તેઓ વિદેશ મંત્રી અને શિક્ષણ મંત્રી તરીકે પણ રહી ચૂક્યા છે. નવા રાષ્ટ્રપતિ રાનિલ વિક્રમસિંઘે શુક્રવારે તેમની કેબિનેટને શપથ લેવડાવ્યા હતા. વિક્રમસિંઘે રાષ્ટ્રપતિ બન્યા પછી વડા પ્રધાનનું પદ ખાલી થયું હતું. 6 વખત વડાપ્રધાન રહી ચૂકેલા વિક્રમસિંઘેએ ગુરુવારે દેશના 8મા રાષ્ટ્રપતિ તરીકે શપથ લીધા હતા.
રાષ્ટ્રપતિ રાનિલ વિક્રમસિંઘેએ કેબિનેટ મંત્રીઓને લેવડાવ્યા શપથ
ગયા અઠવાડિયે તત્કાલિન રાષ્ટ્રપતિ ગોટાબાયા દેશમાં ભારે હોબાળો અને વિરોધ પ્રદર્શન પછી તેમના પરિવાર સાથે દેશ છોડીને ભાગી ગયા હતા. ત્યારબાદ સંસદે ગોટાબાયાના બાકીના કાર્યકાળ માટે રાનિલ વિક્રમસિંઘેને રાષ્ટ્રપતિ તરીકે ચૂંટ્યા. વિક્રમસિંઘ છ વખત દેશના વડાપ્રધાન રહી ચૂક્યા છે. પરંતુ આ પ્રથમ વખત તેઓ રાષ્ટ્રપતિ પદ પર આવ્યા છે.
આર્થિક સંકટનો સામનો કરી રહ્યું છે શ્રીલંકા
શ્રીલંકા ભારે આર્થિક સંકટનો સામનો કરી રહ્યું છે. દેશની આર્થિક સ્થિતિ એટલી કથળી ગઈ છે કે આવશ્યક ચીજવસ્તુઓ અને ઈંધણની આયાત કરવા માટે પૈસા નથી. આવી સ્થિતિમાં, રાષ્ટ્રપતિ અને વડા પ્રધાનની નવી જોડી પર દેશને આ મુશ્કેલીમાંથી બહાર કાઢવા અને તેને પાટા પર લાવવાની મહત્વપૂર્ણ જવાબદારી છે. વિક્રમસિંઘેએ તમામ પક્ષોને વ્યક્તિગત હિતો સિવાય સાથે મળીને કટોકટી સામે લડવા હાકલ કરી છે.
