‘અમર સિંહ ચમકીલા’માં જોવા મળશે દિલજીત દોસાંઝ અને પરિણીતી, જાણો- ક્યારે રિલીઝ થશે?
26 ફેબ્રુઆરી, 2024: પરિણીતી ચોપરા અને દિલજીત દોસાંઝ સ્ટારર ‘અમર સિંહ ચમકીલા’ સીધી OTT પ્લેટફોર્મ Netflix પર રિલીઝ થવા જઈ રહી છે. નેટફ્લિક્સે તેના ઈન્સ્ટાગ્રામ પર પોસ્ટ કરીને ફિલ્મની રિલીઝ ડેટ પણ જાહેર કરી છે કે તમે આ ફિલ્મ ક્યારે જોઈ શકો છો.
આ ફિલ્મમાં દિલજીત આ ગાયકની ભૂમિકા ભજવતો જોવા મળશે. પ્રખ્યાત ગાયક અમર સિંહ ચમકીલા પર આધારિત દિલજીત દોસાંઝ અને પરિણીતી ચોપરાની ફિલ્મ ‘અમર સિંહ ચમકીલા’ થિયેટરોમાં નહીં પરંતુ OTT પ્લેટફોર્મ પર રિલીઝ થશે. તેની રિલીઝ ડેટ પણ જાહેર કરવામાં આવી છે. ‘અમર સિંહ ચમકીલા’ OTT પ્લેટફોર્મ નેટફ્લિક્સ પર રિલીઝ થશે. નેટફ્લિક્સ અને દિલજીત દોસાંજે ઇન્સ્ટાગ્રામ પર એક વિડિયો શેર કર્યો અને જાહેરાત કરી કે આ ફિલ્મ નેટફ્લિક્સ પર 12 એપ્રિલ, 2024ના રોજ રિલીઝ થશે.
View this post on Instagram
વીડિયોમાં ફિલ્મ સાથે જોડાયેલી ઘણી માહિતી આપવામાં આવી છે. જેમ કે ફિલ્મમાં સંગીત એ.આર. રહેમાનનું છે અને તેનું નિર્દેશન ઇમ્તિયાઝ અલીએ કર્યું છે. ઈમ્તિયાઝ અલી અને દિલજીત દોસાંઝે પહેલીવાર ફિલ્મમાં સાથે કામ કર્યું છે.
‘અમર સિંહ ચમકીલા’
અમર સિંહ ચમકીલાનું પાત્ર દિલજીત દોસાંઝે ભજવ્યું છે. આ ફિલ્મ અમર સિંહ ચમકીલાના જીવન પર આધારિત છે. આ ફિલ્મ તેની સફળતાથી લઈને મૃત્યુ સુધીની તેની સંપૂર્ણ વાર્તા કહે છે. કેવી રીતે તેણે ગરીબીમાં જીવવા માટે સંઘર્ષ કર્યો અને પછી તેની હત્યા કરવામાં આવી. આ ફિલ્મમાં દિલજીત સાથે પરિણીતી ચોપરા લીડ રોલમાં જોવા મળશે. તે આ ફિલ્મમાં અમરસિંહ ચમકીલાની પત્ની અમરજોત કૌરનું પાત્ર ભજવતી જોવા મળશે, જે ચમકીલાની મ્યુઝિક પાર્ટનર પણ બની છે.
દિલજીત દોસાંઝે શું કહ્યું?
દિલજીત દોસાંઝે અમર સિંહ ચમકીલાની ભૂમિકા ભજવવાને તેમના જીવનનો સૌથી પડકારજનક અનુભવ ગણાવ્યો હતો. આ સાથે તેણે સારી સ્ટોરી સાથે નેટફ્લિક્સ પર પાછા ફરવાનો ઉત્સાહ પણ વ્યક્ત કર્યો હતો. દિલજીતે પરિણીતી ચોપરા સાથે કામ કરવાનો અનુભવ પણ શેર કર્યો. એઆર રહેમાન અને ઈમ્તિયાઝ અલીનો પણ આભાર માન્યો. દિલજીત અને પરિણીતીએ ફિલ્મના ટીઝરમાં પોતાની પહેલી ઝલકથી ચાહકોનું દિલ જીતી લીધું હતું, પરંતુ હવે જોવાનું એ રહે છે કે આ ફિલ્મ દર્શકોની અપેક્ષાઓ પર ખરી ઉતરે છે કે નહીં.
