સરકાર બહુ જલ્દી EPF સભ્યોના ખાતામાં 2022નું વ્યાજ ટ્રાન્સફર કરવા જઈ રહી છે. ત્યારે સરકારે તાજેતરમાં એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) ના લગભગ 5 કરોડ સભ્યોને નાણાકીય વર્ષ 2022 માટે ભવિષ્ય નિધિ થાપણો પર 8.1 ટકા વ્યાજની મંજૂરી આપી હતી. છેલ્લા 40 વર્ષમાં આ અત્યાર સુધીનો સૌથી ઓછો વ્યાજ દર છે. સરકારની મંજૂરી મળ્યા બાદ હવે ટૂંક સમયમાં ખાતાધારકોના ખાતામાં પીએફની વિગતો ટ્રાન્સફર કરવાની તૈયારી છે. ત્યારે આજે અમે અહીં કેટલીક રીતો જણાવવા જઈ રહ્યા છીએ, જેના દ્વારા તમે જોઈ શકશો કે તમારા ખાતામાં વ્યાજના પૈસા આવ્યા છે કે નહીં અને તમે તમારા એકાઉન્ટનું સ્ટેટસ ચેક કરી શકો છો.
UMANG એપ પરથી વિગતો તપાસો
તમે UMANG એપ દ્વારા તમારા ખાતામાં પૈસા આવ્યા છે કે કેમ તે ચેક કરી શકો છો.
EPF બેલેન્સ ચેક કરવા માટે તમારે પહેલા UMANG AF ખોલવું પડશે.
આ પછી તમે EPFO પર ક્લિક કરો.
આ પછી તમે અહીં Employee Centric Services પર ક્લિક કરો.
ત્યાર બાદ વ્યુ પાસબુક પર ક્લિક કરો.
અહીં તમારા પીએફ એકાઉન્ટનો UAN નંબર અને પાસવર્ડ દાખલ કરો.
આ પછી રજિસ્ટર્ડ મોબાઈલ નંબર પર OTP મોકલવામાં આવશે.
તમે અહીં પ્રાપ્ત થયેલ OTP ભરીને તમારું EPF બેલેન્સ ચેક કરી શકો છો.
ઑનલાઇન બેલેન્સ કેવી રીતે તપાસવું
પીએફ બેલેન્સ ચેક કરવા માટે તમે epfindia.gov.in ની સાઈટ પર જાઓ.
આ પછી તમે SERVICES વિભાગમાં FOR EMPLOYEES પર ક્લિક કરો.
અહીં તમારે મેમ્બર પાસબુક પર ક્લિક કરવાનું રહેશે.
અહીં તમારે તમારો UAN અને પાસવર્ડ નાખવો પડશે.
લોગીન કર્યા પછી તમે અહીં ડાઉનલોડ/જુઓ પાસબુક પર ક્લિક કરો.
આ પછી તમે તમારી પાસબુકમાં રકમનું સ્ટેટસ ચેક કરી શકો છો.
તમે મિસ્ડ કોલ દ્વારા પણ ચેક કરી શકો છો
તમે તમારા રજીસ્ટર્ડ મોબાઈલ નંબર પરથી મિસ્ડ કોલ દ્વારા તમારું EPF બેલેન્સ પણ ચેક કરી શકો છો. આ માટે તમારે તમારા રજીસ્ટર્ડ મોબાઈલ નંબર પરથી 011-22901406 પર મિસ્ડ કોલ કરવાનો રહેશે.
