ડિનર બાદ ગળ્યું ખાવાની ટેવ બનાવી શકે છે શુગરના દર્દીઃ એક્સપર્ટ શું કહે છે?

• ડિનર બાદ ગળ્યું ખાવાની આદત ભલે મનને સંતોષ આપતી હોય, પરંતુ શરીર માટે તે ટેવ ખતરનાક છે. આ આદત તમને જીવનભર માટે બીમાર બનાવી શકે છે.

ઘણા લોકોને ગળ્યું ખાવાનો શોખ હોય છે. ખાસ કરીને ડિનર બાદ કેટલાક લોકો ડેઝર્ટ લેવાનું પસંદ કરે છે. ડિનર બાદ ગળ્યું ખાવાની આદત ભલે મનને સંતોષ આપતી હોય, પરંતુ શરીર માટે તે ટેવ ખતરનાક છે. આ આદત તમને જીવનભર માટે બીમાર બનાવી શકે છે. એક્સપર્ટની વાત માનીએ તો ડિનર બાદ ગળ્યું ખાવાથી અને રોજ ડેઝર્ટ લેવાથી ટાઈપ-2 ડાયાબિટીસનું રિસ્ક વધી જાય છે. આવા સંજોગોમાં જરૂરી છે કે આ આદતને વહેલી તકે કન્ટ્રોલ કરી લેવી. તેના લીધે આપણે મોટી બીમારીઓને ટાળી શકીએ છીએ.

એક્સપર્ટ કહે છે કે ડિનર બાદ ગળ્યું ખાવાની આદત ચયાપચય (મેટાબોલિઝમ) અને ઊંઘની પેટર્નને પણ અસર કરે છે અને લાંબા ગાળાની સમસ્યાઓનું કારણ બની શકે છે. જ્યારે સુગર શરીરમાં મોટી માત્રામાં પહોંચે છે, ત્યારે તે ઇન્સ્યુલિન પ્રતિકારને પ્રોત્સાહન આપે છે અને આનાથી ટાઇપ 2 ડાયાબિટીસ થવાનું જોખમ વધી જાય છે. શરીરમાં રહેલી વધારાની સુગર ચરબીમાં પરિવર્તિત થાય છે, જે મેટાબોલિઝમને અસર કરે છે અને સ્થૂળતામાં વધારો કરે છે.

સુગરયુક્ત ખોરાકના સતત સેવનથી ટ્રાઇગ્લાઈસેરાઈડનું સ્તર વધે છે અને કાર્ડિયોવેસ્ક્યુલર સમસ્યાઓ પણ થઈ શકે છે. આ સિવાય હાઈ સુગર લેવલ હોય તો તે સ્ટ્રેસ અને ઈન્ફ્લેમેશનની સમસ્યાને પણ વધારે છે, આ આદત માત્ર અકાળ વૃદ્ધત્વનું કારણ નથી પરંતુ ગંભીર બીમારીઓનું જોખમ પણ વધારે છે.

શું દરરોજ મીઠાઈ ખાવી હાનિકારક છે?

• વધુ પડતી સુગરનો વપરાશ વજનમાં વધારો કરે છે, ઇન્સ્યુલિન રેસિસ્ટન્સ, ડાયાબિટીસ વધવો અને કાર્ડિયોવેસ્ક્યુલર ડિસીઝ સાથે જોડાયેલા છે.
• નિયમિતપણે વધુ પડતી મીઠાઈઓનું સેવન કરવાથી માત્ર ગંભીર બળતરા જ નથી થતી, પરંતુ મેટાબોલિઝમ પણ ખરાબ થાય છે. તે હોર્મોનલ સંતુલનને પણ ખલેલ પહોંચાડે છે.
• ડાયાબિટીસ, હૃદય રોગ, મેટાબોલિક ડિસઓર્ડર જેવી સમસ્યાઓ થવાનું જોખમ વધી શકે છે.

આ પણ વાંચોઃ હાર્ટની બીમારીની શરૂઆત થઈ ચુકી છે? આ રીતે વધારો ગુડ કોલેસ્ટ્રોલ