ચહલ-ધનશ્રીમાં બધુ બરાબર નથી? ઇન્સ્ટા પરથી હટાવી ‘સરનેમ’, મિસ્ટ્રી પોસ્ટથી હલચલ

ટીમ ઈન્ડિયાના સ્ટાર સ્પિનર ​​યુઝવેન્દ્ર ચહલ આ દિવસોમાં ક્રિકેટમાંથી બ્રેક પર છે અને તે સીધો એશિયા કપમાં પરત ફરશે. પરંતુ યુઝવેન્દ્ર ચહલ પોતાના અંગત જીવનના કારણે ચર્ચામાં રહે છે. યુઝવેન્દ્ર ચહલે હાલમાં જ પોતાના ઈન્સ્ટાગ્રામ પર એક સ્ટોરી શેર કરી છે, જેના પછી ઘણી એવી વાતો કરવામાં આવી રહી છે જે તેના લગ્ન સાથે જોડાયેલી છે.

ધનશ્રીએ ઇન્સ્ટા પરથી હટાવી ‘સરનેમ’

યુઝવેન્દ્ર ચહલની પત્ની ધનશ્રી વર્માએ થોડા દિવસો પહેલા ઈન્સ્ટાગ્રામ પર તેનું નામ બદલ્યું હતું. પહેલા તે ધનશ્રી વર્મા ચહલ લખતી હતી. પરંતુ હવે તેણે માત્ર ધનશ્રી વર્મા લખવાનું શરૂ કર્યું છે. આ બદલાવ બાદ યુઝવેન્દ્ર ચહલે તેના ઈન્સ્ટાગ્રામ પર એક સ્ટોરી શેર કરી, જેમાં લખ્યું હતું ‘ન્યૂ લાઈફ લોડિંગ’. સોશિયલ મીડિયા પર આટલો હંગામો થયા બાદ અનેક અટકળો લગાવવામાં આવી રહી છે. ટ્વિટર પર પણ ઘણા ચાહકોએ બંને વચ્ચેના સંબંધો વિશે વાત કરી છે. જો કે બંને તરફથી હજુ સુધી કોઈ સત્તાવાર નિવેદન આપવામાં આવ્યું નથી. આવી સ્થિતિમાં જે કંઈ પણ થઈ રહ્યું છે તે તમામ અટકળો છે.

લોકડાઉનમાં લગ્ન કરીને ચાહકોને ચોંકાવી દીધા

તમને જણાવી દઈએ કે યુઝવેન્દ્ર ચહલ અને ધનશ્રી વર્માએ કોરોનાને કારણે દેશમાં લોકડાઉન દરમિયાન લગ્નની તસવીરો શેર કરી હતી. બંનેએ ડિસેમ્બર 2020માં લગ્ન કર્યા હતા અને સોશિયલ મીડિયા દ્વારા ફેન્સને તેની જાણકારી આપી હતી. ધનશ્રી વર્મા એક કોરિયોગ્રાફર છે, તેના ડાન્સ વીડિયો સોશિયલ મીડિયા પર ચર્ચામાં છે. લગ્ન બાદ યુઝવેન્દ્ર ચહલ પણ ઘણા વીડિયોમાં ધનશ્રી વર્મા સાથે મસ્તી કરતા અને ડાન્સ કરતા જોવા મળ્યા હતા. તાજેતરમાં જ્યારે યુઝવેન્દ્ર ચહલ આયર્લેન્ડ અને ઈંગ્લેન્ડના પ્રવાસે હતો ત્યારે ધનશ્રી પણ તેની સાથે હતી. બંનેએ સતત પોતાની ઘણી તસવીરો ઈન્સ્ટાગ્રામ પર શેર કરી હતી અને મસ્તીના મૂડમાં જોવા મળ્યા હતા.

એશિયા કપમાં યુઝવેન્દ્ર ચહલ વાપસી કરશે

તમને જણાવી દઈએ કે ટીમ ઈન્ડિયાના તમામ સ્ટાર્સ અને સિનિયર ખેલાડીઓ આ સમયે બ્રેક પર છે. કેએલ રાહુલની આગેવાની હેઠળની ટીમ ઝિમ્બાબ્વેમાં વનડે શ્રેણી રમી રહી છે, જ્યારે ટીમ ઈન્ડિયા આ પછી એશિયા કપ રમવાની છે. ત્યારે યુઝવેન્દ્ર ચહલ પણ ટીમ ઈન્ડિયા સાથે પરત ફરશે. જો યુઝવેન્દ્ર ચહલના કરિયરની વાત કરીએ તો તેણે ટીમ ઈન્ડિયા માટે 67 વનડેમાં 118 વિકેટ ઝડપી છે, જ્યારે 62 વનડેમાં 79 વિકેટ ઝડપી છે. યુઝવેન્દ્ર ચહલે અત્યાર સુધી આઈપીએલમાં 131 મેચમાં 166 વિકેટ ઝડપી છે, તે હાલમાં રાજસ્થાન રોયલ્સ સાથે જોડાયેલો છે.