સારૂ થયું ધાનાણીને ટીકિટ મળી બાકી રાજકોટમાં સુરતવાળી થાત, જાણો આવુ કોણે કહ્યું?
રાજકોટ, 24 એપ્રિલ 2024, ગુજરાત પ્રદેશ કોંગ્રેસના નેતા ડો. હેમાંગ વસાવડાએ એક X-પોસ્ટ કર્યું છે. જેમાં લખ્યું છે કે, સુરત વાળી રાજકોટમાં થતા અટકી છે. અગાઉ રાજકોટમાં લોકસભા ચૂંટણીમાં કોંગ્રેસ વિક્રમ સોરાણીને ટિકિટ આપવાની વાતો વહેતી થઇ હતી અને હવે આગામી 29 તારીખના રોજ વિક્રમ સોરાણી ભાજપમાં જોડાવવાના છે. ટ્વીટમાં તેઓએ લખ્યું કે, જે તે સમયે મને આ વાતની જાણ કરી સાવચેત કરવા બદલ હું આભાર વ્યક્ત કરું છું.
I heard today Mr. Vikram Sorani is joining B. J. P. Proposed candidate for Rajkot Loksabha by few leaders. Thanks to awareness of me and my friends
Rajkot Loksabha did not turned like Surat. Otherwise…. Same history would have happened at Rajkot.— Vasavada Hemang (@HemangVasavada) April 24, 2024
વિક્રમ સોરાણીને ટિકિટ મળી હોત તો સુરતવાળી રાજકોટમાં થઈ હોત
આજે પ્રદેશ અગ્રણી ડો. હેમાંગ વસાવડાએ ટ્વીટ કરી જણાવ્યું હતું કે, સુરતવાળી રાજકોટમાં પણ થવાની હતી, પરંતુ પરેશ ધાનાણીને ટિકિટ મળવાથી આ ખેલ ભાજપ રાજકોટમાં ન પાડી શક્યું. રાજકોટના જ અમુક કોંગ્રેસના નેતાઓ વિક્રમ સોરાણીને ટિકિટ મળે તેવા પ્રયાસો કરતા હતા. જો કે, હવે આગામી 29 તારીખે વિક્રમ સોરાણી ભાજપમાં પ્રવેશ કરશે તેવી માહિતી સામે આવી છે. જો વિક્રમ સોરાણીને ટિકિટ આપવામાં આવી હોત તો સુરતવાળી રાજકોટમાં થઈ હોત.
72 hours have lepsed. No enquiry or action on Surat Loksabha issue. I demand strong action against all the responsible leaders involved in issuing ticket to Kumbhani.
— Vasavada Hemang (@HemangVasavada) April 24, 2024
સુરતમાં જે બનાવ બન્યો તેમાં કોંગ્રેસની હત્યા થઇ
આ સાથે ડો. હેમાંગ વસાવડાએ જણાવ્યું હતું કે, સુરતમાં આજે 3 દિવસ બાદ પણ કોંગ્રેસ પક્ષ દ્વારા નિલેશ કુંભાણીને કોંગ્રેસ પક્ષમાંથી આજીવન સસ્પેન્ડ કે ડિસમિસ કરવામાં આવ્યા નથી. નિલેશ કુંભાણીને ટિકિટ આપવાની ભલામણ કરનાર નેતાઓની પણ તપાસ થવી જોઈએ અને એ લોકો સામે પણ પગલાં લેવાવા જોઈએ. કારણ કે, સુરતમાં જે બનાવ બન્યો તેમાં કોંગ્રેસની હત્યા થઇ છે.
આ પણ વાંચોઃરાજકોટથી ક્ષત્રિય આંદોલન પાર્ટ-2 શરૂઃ પદ્મિનીબાની ગેરહારજરીમાં નારી અસ્મિતાના ધર્મરથનું પ્રસ્થાન
