ભગવાન રામ માટે ભક્ત સોનાની ચરણપાદુકા લઈને 7,200 કિમીની પદયાત્રા પર નીકળ્યા

• 64 વર્ષીય વૃદ્ધે ભગવાન રામના માર્ગ પર શરૂ કરી પોતાની પદયાત્રા

હૈદરાબાદ, 10 જાન્યુઆરી : હૈદરાબાદના એક 64 વર્ષીય ચલ્લા શ્રીનિવાસ શાસ્ત્રી નામના વૃદ્ધે ભગવાન રામ માટે સોનાથી બનાવેલા ‘ચરણ પાદુકા’ લઈને અયોધ્યા રામ મંદિર સુધી 7200 કિલોમીટરની પદયાત્રા કરી છે. 22 જાન્યુઆરીએ યોજાનાર ભવ્ય રામમંદિર પ્રાણ-પ્રતિષ્ઠા મહોત્સવ પહેલા ભક્તે મંદિર શહેર તરફ તેમની પદયાત્રા શરૂ કરી દીધી છે. ચલ્લા શ્રીનિવાસ શાસ્ત્રીએ આ લાંબી સફર માટે ખૂબ ઉત્સાહિત છે અને તેઓ 15 જાન્યુઆરી સુધીમાં અયોધ્યા પહોંચશે તેવી અપેક્ષા છે.

 

#WATCH | Telangana: A 64-year-old man, Challa Srinivas Sastry from Hyderabad embarked on a 7,200-kilometre padayatra to Ayodhya carrying Khadaun ‘charan paduka’ with him ahead of the ‘Pran Pratishtha’ ceremony of the Ram Temple. (09.01) pic.twitter.com/J8hQg6hBcS

— ANI (@ANI) January 10, 2024

શાસ્ત્રીએ પોતાની સફર વિશે શું કહ્યું?

 

#WATCH | Challa Srinivas Sastry says “…I have made this ‘charan paduka’ using 8 kg silver and got it coated with gold…I am walking on the route which Lord Ram took from Ayodhya to Rameshwar. My target is to reach Ayodhya on January 15th. I will hand over this ‘charan paduka’… pic.twitter.com/XijQs2g0xT

— ANI (@ANI) January 10, 2024

ચલ્લા શ્રીનિવાસ શાસ્ત્રીએ કહ્યું કે, “મેં આ ‘ચરણ પાદુકા’ 8 કિલો ચાંદીનો ઉપયોગ કરીને બનાવી છે અને તેને સોનાથી મઢેલી છે. ભગવાન રામે અયોધ્યાથી રામેશ્વર સુધી જે માર્ગ લીધો હતો તેના પર હું ચાલી રહ્યો છું. મારું લક્ષ્ય 15મી જાન્યુઆરીએ અયોધ્યા પહોંચવાનું છે. હું 16મી જાન્યુઆરીએ ઉત્તર પ્રદેશના સીએમ યોગી આદિત્યનાથને આ ‘ચરણ પાદુકા’ આપીશ. હું 22મી જાન્યુઆરીએ રામ મંદિરના ‘પ્રાણ પ્રતિષ્ઠા’ સમારોહ પહેલા અયોધ્યાની મુલાકાત લેવા માટે ખરેખર ઉત્સાહિત છું…”

64 વર્ષીય વૃદ્ધ ચલ્લા શ્રીનિવાસ શાસ્ત્રીની આ યાત્રા ભગવાન રામ પ્રત્યેની અતૂટ ભક્તિ અને તેમના ‘કાર સેવક’ પિતાના સ્વપ્નને સાકાર કરવાની ઇચ્છાથી પ્રેરિત છે. આ યાત્રા 22 જાન્યુઆરીએ ભવ્ય મંદિરના મહોત્સવ સાથે એકરુપ છે. તેણે માર્ગમાં ભગવાન દ્વારા સ્થાપિત તમામ શિવ લિંગોને સ્પર્શ કરવાના હેતુથી 20 જુલાઈના રોજ તેની યાત્રા શરૂ કરી છે. શાસ્ત્રીએ ઓડિશામાં પુરી, મહારાષ્ટ્રમાં ત્ર્યંબક અને ગુજરાતમાં દ્વારકા જેવા અનેક સ્થળોને આવરી લીધા છે. તે સોનાથી મઢેલા ચરણ પાદુકાને માથા પર લઈને પગપાળા લગભગ 7,200 કિમીનું અંતર કાપવાની યોજના છે. પવિત્ર શહેર અયોધ્યામાં પહોંચ્યા પછી, તે ઉત્તર પ્રદેશના મુખ્ય પ્રધાન યોગી આદિત્યનાથને ચરણ પાદુકા સોંપવાના છે.

આ પણ જુઓ :USમાં ‘જય શ્રી રામ’ના નાદથી ગુંજી ઊઠ્યું હ્યુસ્ટન, નીકળી વિશાળ કાર રેલી