યમુના નદીના ફીણવાળા ઝેરી પાણીમાં શ્રધ્ધાળુઓ છઠ પૂજા કરવા મજબૂર

• દિલ્હીમાં પણ છઠ પૂજાની ઘણી તૈયારીઓ કરવામાં આવી હતી.
• યમુનાના પાણીમાં ઉભા રહીને છઠની ઉજવણી કરવી નુકસાનકારક સાબિત થઈ શકે છે.
• યમુનાના પાણીમાં ઝેરી ફોસ્ફેટનું પ્રમાણ વધુ છે. જેના કારણે ઘણી બીમારીઓ થઈ શકે છે.

નવી દિલ્હી: દેશભરની રાજ્ય સરકારો દ્વારા છઠના તહેવાર માટે વિશેષ તૈયારીઓ કરવામાં આવી હતી. કેટલાક સ્થળોએ લોકોએ તેમના ધાબા પર ટાંકીઓમાં ઉભા રહીને છઠનો તહેવાર ઉજવ્યો હતો તો કેટલાક લોકોએ નદીઓ અને તળાવોમાં ઉભા રહીને છઠનો તહેવાર ઉજવ્યો હતો.આ દરમિયાન ઈન્ટરનેટ પર એક તસવીર વાયરલ થઈ રહી છે. આ તસવીરમાં કેટલીક મહિલાઓ યમુના નદીમાં ઉભા રહીને છઠનો તહેવાર મનાવી રહી છે.

Delhi: Devotees stand in knee-deep toxic foam in Yamuna for Chhath Puja

Read @ANI Story | https://t.co/M97YK6qIOn#Yamuna #ChhathPooja #Delhi #ToxicFoam pic.twitter.com/dPrvex1Esh

— ANI Digital (@ani_digital) November 20, 2023

યમુનાના ગંદા પાણીમાં છઠ પૂજા

દિલ્હી સરકાર દ્વારા છઠના તહેવારની વિશેષ તૈયારીઓ કરવામાં આવી હતી અને 1000 સ્થળોએ છઠ પૂજાની વ્યવસ્થા કરવામાં આવી હતી. તસવીરમાં સ્પષ્ટપણે જોઈ શકાય છે કે યમુના નદીના ગંદા ફીણવાળા પાણીમાં મહિલાઓ ઉભી છે. આ પાણીથી તેણે સ્નાન પણ કર્યું હતું. યમુના નદીના પાણીને જોઈને સ્પષ્ટ થાય છે કે તે કેટલું પ્રદૂષિત અને ઝેરી છે. કાલિંદી કુંજમાં આયોજિત છઠ પૂજા દરમિયાન લેવામાં આવેલી આ તસવીરો છે. ફીણ વાળા ઝેરી પાણીમાં મોટી માત્રામાં ફોસ્ફેટ ભળે છે. તેના કારણે લોકો શ્વાસ અને ત્વચા સંબંધિત રોગોનો ભોગ બની શકે છે.

#WATCH | Drone visuals from Delhi’s Kalindi Kunj as devotees offer ‘Araghya’ to the rising Sun as part of #ChhathPooja

(Video shot at 6.55 am) pic.twitter.com/iYD3nDeZ74

— ANI (@ANI) November 20, 2023

દિલ્હી સરકારનું તંત્ર

દિલ્હીમાં 1000 સ્થળોએ છઠ પૂજા માટે દિલ્હી સરકાર દ્વારા વિશેષ વ્યવસ્થા કરવામાં આવી હતી. જો કે, ગયા વર્ષે પણ યમુના નદીનું પાણી આવું જ હતું, જ્યારે છઠ પૂજા દરમિયાન લોકોએ ફીણવાળા, ગંદા અને ઝેરી પાણીમાં ઉભા રહીને પૂજા કરવી પડી હતી. તમને જણાવી દઈએ કે છઠ પૂજાનો તહેવાર આજે સમાપ્ત થઈ ગયો છે. આ તહેવાર પર દેશ-વિદેશના લોકોએ એકબીજાને શુભેચ્છા પાઠવી હતી. આ અંગે દિલ્હી સરકારના મંત્રી આતિષીએ કહ્યું હતું કે 2015થી અરવિંદ કેજરીવાલ સરકાર દ્વારા છઠ પૂજા માટે ખાસ વ્યવસ્થા કરવામાં આવી રહી છે જેથી યુપી અને બિહારના લોકો દિલ્હીને પોતાનું ઘર માને.

આ પણ વાંચો, ગુજરાતના આ શહેરમાં રોગચાળો વકર્યો, 5 વર્ષની બાળકીનું મૃત્યુ થયુ