મહારાષ્ટ્રના મુખ્યમંત્રી બન્યા બાદ દેવેન્દ્ર ફડણવીસનું પહેલું રિએક્શન, આપ્યું આ સુત્ર
મહારાષ્ટ્ર, 4 ડિસેમ્બર 2024 : ભાજપ ધારાસભ્ય દળની બેઠકમાં નેતા તરીકે ચૂંટાયા બાદ દેવેન્દ્ર ફડણવીસે ધારાસભ્યોને સંબોધિત કર્યા હતા. આ દરમિયાન, તેમણે નિરીક્ષક નિર્મલા સીતારમણ, વિજય રૂપાણી સહિત પક્ષના ધારાસભ્યોનો આભાર વ્યક્ત કર્યો. તેમણે ભાજપ હાઈકમાન્ડનો આભાર પણ વ્યક્ત કર્યો હતો. ચૂંટણી દરમિયાન આપવામાં આવેલા સૂત્રને પુનરોચ્ચાર કરતા ફડણવીસે કહ્યું કે, ‘એક હૈ તો સેફ હૈ ઓર મોદી હે તો મુમકીન હૈ.’
દેવેન્દ્ર ફડણવીસે કહ્યું કે તેઓ એક મોટા લક્ષ્ય તરફ આગળ વધી રહ્યા છે.
દેવેન્દ્ર ફડણવીસે કહ્યું કે જંગી જનાદેશ બાદ અમારી પાસે મોટી જવાબદારી છે. આપણે જનતા માટે સતત કામ કરતા રહેવાનું છે. અમે રાજનીતિમાં એક મોટા ધ્યેયને અનુસરી રહ્યા છીએ. મને મુખ્યમંત્રી બનાવવા માટે વડાપ્રધાન મોદીનો આભાર. પીએમ મોદીના નેતૃત્વમાં નવા ભારતની તૈયારી થઈ રહી છે.
આપેલા વચનો પૂરા કરીશુંઃ દેવેન્દ્ર ફડણવીસ
ફડણવીસે કહ્યું કે આ એક આદેશ છે જે આપણને જવાબદારીનો અહેસાસ કરાવે છે. આપણે આપેલા વચનો પૂરા કરવાની જવાબદારી માત્ર આપણી જ નથી, રાજ્યને આગળ લઈ જવા માટે પણ આપણે સખત મહેનત કરવી પડશે. ઉલ્લેખનીય છે કે દેવેન્દ્ર ફડણવીસ ત્રીજી વખત મહારાષ્ટ્રના મુખ્યમંત્રી બનવા જઈ રહ્યા છે. તેઓ ગુરુવારે સાંજે 5 વાગ્યે મુખ્યમંત્રી પદના શપથ લેશે.
આ નેતાઓએ પ્રસ્તાવને ટેકો આપ્યો હતો
ભાજપના વરિષ્ઠ નેતા દેવેન્દ્ર ફડણવીસ ગુરુવારે મહારાષ્ટ્રના મુખ્યમંત્રી તરીકે શપથ લેશે. બુધવારે યોજાયેલી ધારાસભ્ય દળની બેઠકમાં તેમને નેતા તરીકે ચૂંટવામાં આવ્યા હતા. ચંદ્રકાંત પાટીલે દેવેન્દ્ર ફંડવીસના નામનો પ્રસ્તાવ મૂક્યો હતો. બીજો પ્રસ્તાવ સુધીર મુનગંટીવારે મુક્યો હતો. આ પછી પંકજા મુંડે, પ્રવીણ દરેકર, રવિન્દ્ર ચવ્હાણ, સંજય કુંટે, પૂર્વ મંત્રી ધારાસભ્ય અશોક ઉઇકે, મેઘના બોર્ડીકર, યોગેશ સાગર, સંભાજી પાટીલ નિલંગેકર, ગોપીચંદ પડલકર, આશિષ શેલારે સમર્થન આપ્યું હતું.
મહારાષ્ટ્રમાં 20 નવેમ્બરે યોજાયેલી ચૂંટણીમાં ભાજપે જંગી સફળતા હાંસલ કરી અને રાજ્યની 288 વિધાનસભા બેઠકોમાંથી 132 બેઠકો જીતી, જે રાજ્યમાં તેનું અત્યાર સુધીનું શ્રેષ્ઠ પ્રદર્શન છે. તેના સાથી પક્ષો એકનાથ શિંદેની આગેવાની હેઠળની શિવસેના અને અજિત પવારની રાષ્ટ્રવાદી કોંગ્રેસ પાર્ટી (NCP) સાથે, ભાજપના નેતૃત્વ હેઠળના મહાગઠબંધન પાસે 230 બેઠકોની પ્રચંડ બહુમતી છે.
આ પણ વાંચો : 10 રૂપિયા વસુલવા બોલાવી પોલીસઃ દોઢ વર્ષ પહેલાં ઉધાર લીધેલી પડીકીનો મામલો, જુવો વીડિયો
