મંદીનો માર: ફેસબુક કર્મચારીઓની કરશે છટણી!

મંદીની આશંકા હવે વાસ્તવિકતામાં પલટાઈ રહી હોય તેવું લાગી રહ્યું છે. સમગ્ર વિશ્વમાં વિવિધ ક્ષેત્રોની વિશાળ કંપનીઓ કર્મચારીઓની છટણી કરી રહી છે. તાજેતરમાં માઇક્રોસોફ્ટે 1000 કર્મચારીઓની છટણી કરી છે, જ્યારે રોયલ ફિલિપ્સ એનવીએ પણ 4000 લોકોની છટણીની જાહેરાત કરી છે. ત્યારે હવે મેટાની માલિકીની ફેસબુક પણ આ સૂચિમાં સામેલ થઈ શકે છે.

કંપનીએ નોકરીઓ અને મૂડી ખર્ચમાં ઘટાડો કરવાની જરૂર

સમાચાર એજન્સી રોઇટર્સના અહેવાલ મુજબ, મેટા શેરહોલ્ડર અલ્ટીમીટર કેપિટલ મેનેજમેન્ટે સ્થાપક ઝકરબર્ગને એક ખુલ્લો પત્ર લખ્યો છે, જેમાં માંગણી કરવામાં આવી છે કે કંપનીએ નોકરીઓ અને મૂડી ખર્ચમાં ઘટાડો કરવાની જરૂર છે. અલ્ટીમીટર ઓછામાં ઓછા 20% કર્મચારીઓને છૂટા કરવાની ભલામણ કરે છે. આ સાથે, પત્ર લખવામાં આવ્યો છે કે તે દર વર્ષે ઓછામાં ઓછા $5 બિલિયનથી $25 બિલિયનનો મૂડી ખર્ચ ઘટાડવામાં આવે.

ખર્ચ નિયંત્રણ સલાહ

રોકાણકારો આક્ષેપ કરે છે કે મેટાએ ખર્ચમાં વધારો કર્યો છે. Meta એ મેટાવર્સ બનાવવા માટે અબજો ડોલરનો ખર્ચ કર્યો છે અને વિશ્વભરમાં હજારો કર્મચારીઓની ભરતી કરી છે. અલ્ટીમીટરે કહ્યું કે આટલું મોટું રોકાણ જોખમી છે.

રોયલ ફિલિપ્સ એનવીએ 4000 લોકોને છૂટા કરવાનો નિર્ણય લીધો છે. એક સાથે અનેક સમસ્યાઓનો સામનો કરી રહેલી કંપનીએ વર્ષનો ત્રીજો ક્વાર્ટર પસાર થયા બાદ આ નિર્ણય લીધો છે.

માઇક્રોસોફ્ટે 1000 કર્મચારીઓની છટણી કરી છે. કંપનીના જુદા જુદા વિભાગોમાં આ છટણી કરવામાં આવી છે. આ પહેલા આઈફોન નિર્માતા એપલે પણ કર્મચારીઓને કાઢી મુકવાની વાત કરી હતી.

આ પણ વાંચો : #whatsappdown : ટ્વિટર પર ‘WhatsApp ને ગ્રહણ નડ્યું’  તેવાં મીમ્સ બનાવી લોકોએ ઊડાવી મજાક