Mahindra Tharની ડીલીવરી હવે પહેલા કરતાં જલદી મળશે
![Text To Speech Text To Speech](https://humdekhenge.in/wp-content/themes/jannah/assets/images/play.png)
![THAR](https://humdekhenge.in/wp-content/uploads/2024/05/THAR.jpg)
HD ન્યુઝ ડેસ્ક, 17 મે: મહિન્દ્રાએ જાહેર કર્યું છે કે થારનું બુકિંગ અન્ય એસયુવીની કરતા સૌથી વધારે છે, જેની લગભગ 59,000 યુનિટના બુકિંગ પેન્ડિંગ છે. આ પેન્ડિંગ બુકિંગમાં થાર 4×4 અને થાર RWD બંનેના આંકડાનો સમાવેશ છે. આ વર્ષની શરુઆતની સાથે થાર 5-ડોરથી મહિન્દ્રા થાર લાઈન-અપનો વિસ્તાર થશે. 5-ડોર વર્ઝનનું નામ થાર Armada રાખવામાં આવી શકે છે, જે પેટ્રોલ અને ડિઝલ બંને એન્જિન ઓપ્શનની સાથે ઉપલબ્ધ થશે.
મે 2024માં મહિન્દ્રા થારનો વેઈટિંગ પીરિયડ
મહિન્દ્રાનું કહેવું છે કે થારમાં દર મહિને આશરે 7,000 બુકિંગ થાય છે અને ફેબ્રુઆરી 2024માં આ બેકલોગ ઘટીને 71,000 યુનિટથી થોડો ઓછો થઈ ગયો છે. આનો અર્થ એ છે કે કોન્ફિગરેશનના આધારે વેઇટિંગ પીરિયડ 4-6 અઠવાડિયા જેટલો ટૂંકો હોવો જોઈએ. થાર 4×4 માટે વેઇટિંગ પીરિયડ 6 અઠવાડિયાથી 2 મહિના સુધીનો છે, જ્યારે થાર 4×2 માટેનો વેઈટિંગ પીરિયડ, ગયા મહિના સુધી, 4 થી 10 મહિનાની વચ્ચેનો હતો.
મહિન્દ્રા થાર કિંમત અને પાવરટ્રેન
મહિન્દ્રા થાર 4×4 બે એન્જિન વિકલ્પોમાં ઉપલબ્ધ છે, જેમાં 152hp, 2.0-લિટર ટર્બો-પેટ્રોલ અને 132hp, 2.2-લિટર ડીઝલ એન્જિનનો સમાવેશ થાય છે. બંને એન્જિનમાં 6-સ્પીડ મેન્યુઅલ ગિયરબોક્સ અથવા 6-સ્પીડ ટોર્ક કન્વર્ટર ઓટોમેટિકનો વિકલ્પ છે. જ્યારે થાર 4WDની કિંમત 14.30 લાખથી 17.60 લાખ રૂપિયાની વચ્ચે છે.
SUVના 4×2 વર્ઝનમાં ટર્બો-પેટ્રોલ એન્જિન છે, પરંતુ નાના 1.5-લિટર ડીઝલ એન્જિનનો વિકલ્પ પણ છે જે 118hp અને 300Nm આઉટપુટ જનરેટ કરે છે. થાર RWD પેટ્રોલ માત્ર 6-સ્પીડ ઓટોમેટિક ટ્રાન્સમિશન સાથે ઉપલબ્ધ છે, જ્યારે ડીઝલને સ્ટાન્ડર્ડ તરીકે 6-સ્પીડ મેન્યુઅલ મળે છે. 4×2 વેરિઅન્ટની કિંમત હાલમાં 11.35 લાખથી 14.10 લાખ રુપિયાની વચ્ચે છે.
ટુંક સમયમાં આવશે થાર 5-ડોર
મહિન્દ્રા થાર થાર 5-ડોરની સાથે આ વર્ષે મહિન્દ્રા થાર લાઈન અપનુું વિસ્તરણ થશે. મહિન્દ્રા થારના 5-ડોર વર્ઝનનું નામ થાર આર્મડા હોઈ શકે છે, અને તે પેટ્રોલ અને ડીઝલ બંને એન્જિન વિકલ્પો સાથે ઉપલબ્ધ હશે. 3-ડોરના થારમાં વધારાની એક્સેસરીઝની એક શ્રેણી પણ હશે.
આ પણ વાંચો : TATA Nexonનું નવું વેરિયન્ટ જે આપશે મહિન્દ્રા XUV 3XOને સીધી ટક્કર