દિલ્હી મર્ડર કેસ : હત્યા પહેલા સાહિલનો વિડીયો આવ્યો સામે
દિલ્હી મર્ડર કેસ ઘટનાએ બધાને હચમચાવી દીધા છે.જેનો બીજો એક વિડીયો સામે આવ્યો છે. સમગ્ર ઘટના જોઈએ તો પીડિતા અને આરોપી સાહિલ બંને એકબીજાને ત્રણ વર્ષથી ઓળખતા હતા. છોકરી જાણતી હતી કે સાહિલનું પૂરું નામ ‘સાહિલ ખાન’ છે.દેશને હચમચાવી દેનાર દિલ્હીના શાહબાદ ડેરી હત્યા કેસમાં મંગળવારે એક નવો વીડિયો સામે આવ્યો છે. આ વીડિયોમાં આરોપી સાહિલ હત્યા પહેલા ઘટના સ્થળે ફરતો જોવા મળે છે.
#WATCH | Delhi | CCTV visuals show accused Sahil in the Shahbad Dairy area, before he murdered the 16-year-old girl, on 28th May.
(Video: CCTV visuals confirmed by Police) pic.twitter.com/VAmr0EikXu
— ANI (@ANI) May 30, 2023
પોલીસ સૂત્રોના જણાવ્યા અનુસાર, જ્યારે સાહિલને હત્યાના સીસીટીવી બતાવવામાં આવ્યા ત્યારે તેણે કબૂલાત કરી હતી કે, વીડિયોમાં દેખાતો છોકરો હું છું, મેં છોકરીની હત્યા કરી છે. આ વીડિયોમાં સાહિલ સાથે અન્ય એક યુવક જોવા મળી રહ્યો છે. બંને વાત કરતા જોવા મળી રહ્યા છે. પીડિતા અને સાહિલ બંને એકબીજાને ત્રણ વર્ષથી ઓળખતા હતા. બંને એકબીજાના ઈન્સ્ટા એકાઉન્ટને પણ ફોલો કરતા હતા. છોકરી જાણતી હતી કે સાહિલનું પૂરું નામ ‘સાહિલ ખાન’ છે. સાહિલે રવિવારે રાત્રે આ હત્યા કરી હતી.
આ પણ વાંચો : સાક્ષી હત્યાકાંડ પર ધીરેન્દ્ર શાસ્ત્રીનો આક્રોશ, બોલ્યા – ‘આને જોઈને જેનું લોહી ન ઉકળે તે……
આ હત્યાના સીસીટીવી ફૂટેજ પણ સામે આવ્યા છે, જેમાં યુવકે 16 વર્ષની યુવતીને 20થી વધુ વખત છરી વડે માર માર્યો હતો અને પછી તેને પથ્થરથી કચડીને તેની હત્યા કરી હતી. આ દરમિયાન પસાર થતા કોઈએ આરોપીને રોકવાનો પ્રયાસ કર્યો ન હતો. દિલ્હી પોલીસના અધિકારીઓના જણાવ્યા અનુસાર આરોપી અને મૃતક વચ્ચે પ્રેમસંબંધ હતો. શનિવારે તેમની વચ્ચે ઝઘડો થયો હતો.યુવતી રવિવારે સાંજે તેના મિત્રની પુત્રીના જન્મદિવસની પાર્ટીમાં ખરીદી કરવા ગઈ હતી ત્યારે આરોપીએ તેને રોકી અને તેના પર હુમલો કર્યો. પોલીસે સોમવારે ઉત્તર પ્રદેશના બુલંદશહેરમાંથી 20 વર્ષીય આરોપી સાહિલની ધરપકડ કરી હતી. પોલીસે જણાવ્યું કે મૃતકના શરીર પર 34 ઘા મળી આવ્યા હતા અને તેની ખોપરી ફાટી ગઈ હતી.
આ પણ વાંચો : પોલીસ બની જાનૈયા ! સાફા બાંધી, DJના તાલ સાથે 144 ગુનામાં વોન્ટેડ રીઢા આરોપીને LCBએ દબોચ્યો
