દિલ્હી લિકર કેસ દક્ષિણ ભારત સુધી પહોચ્યો, તેલંગાણા CMની પુત્રીની ED દ્વારા પૂછપરછ
છેલ્લા કેટલાક સમયથી દિલ્હી લીકર કેસ ઉપર બબાલ ચાલી રહી છે જેમાં દિલ્હીના પૂર્વ ડેપ્યુટી CM મનિષ સિસોદિયાને જેલમાં નાખવામાં આવ્યો છે. હજી આ કેસના પડખા શાંત નથી ત્યારે દિલ્હી લિકર પોલિસી કેસમાં વધુ એક નામ સામે આવ્યું છે. દિલ્હી લીકર પોલિસી કેસ છે દક્ષિણ ભારત સુધી પહોચ્યો છે. તેલંગાણાના CM કે ચંદ્રશેખર રાવની પુત્રી અને BRS MLCની કવિતાને એન્ફોર્સમેન્ટ ડિરેક્ટોરેટ (ED)ના સમન્સ પર BRS MLCની કવિતા દિલ્હીમાં તેમની ઓફિસ પહોંચી છે.
દિલ્હી લિકર પોલિસીના મામલે એન્ફોર્સમેન્ટ ડિરેક્ટોરેટ (ED)ના સમન્સ પર BRS MLCની કવિતા દિલ્હીમાં તેની ઓફિસ પહોંચી છે. દિલ્હી એક્સાઈઝ પોલિસી સંબંધિત કેસમાં તેમની કથિત ભૂમિકા અંગે તેમની પૂછપરછ કરવામાં આવી રહી છે. EDના સૂત્રોનું કહેવું છે કે આ દિલ્હી લીકર પોલિસી કેસ સાથે સંબંધિત છેડછાડમાં કવિતાની સીધી કડી છે.
આ પણ વાંચો : મનિષ સિસોદિયા : સાહેબ, તમે મને જેલમાં રાખીને કષ્ટ પહોંચાડી શકો છે, પરંતુ મારા…
મીડિયા રિપોર્ટ્સ અનુસાર, આ સંબંધમાં એજન્સી તેને તેના એક કથિત નજીકના હૈદરાબાદ સ્થિત બિઝનેસમેન અરુણ રામચંદ્રન પિલ્લઈના સંપર્કમાં આવી શકે છે. એજન્સી દ્વારા પિલ્લઈની એક સપ્તાહ પહેલા ધરપકડ કરવામાં આવી હતી.
ગઈકાલે જંતર-મંતર પર પ્રદર્શન કર્યું હતું
અગાઉ, કવિતાએ સંસદના બજેટ સત્રના બીજા તબક્કામાં મહિલા અનામત બિલ પસાર કરવાની માંગણી સાથે દિલ્હીના જંતર-મંતર પર શુક્રવારે ભૂખ હડતાલ કરી હતી. કવિતા તેલંગાણાના CM કે. ચંદ્રશેખર રાવની પુત્રી છે, તેણે તમામ રાજકીય પક્ષોને મહિલા આરક્ષણ બિલ પસાર કરવા માટે સરકાર પર દબાણ લાવવા હાકલ કરી હતી. વધુમાં કવિતા કહ્યું કે મોદી સરકાર પાસે પૂર્ણ બહુમતી છે અને આવી સ્થિતિમાં તે આ બિલને સરળતાથી પાસ કરાવી શકે છે. કવિતાએ રાષ્ટ્રપતિ દ્રૌપદી મુર્મુને પણ આ વિષયમાં રસ દાખવવા અને મહિલાઓની સાથે ઊભા રહેવા વિનંતી કરી.
આ પણ વાંચો : મનિષ સિસોદિયાને જેલમાં કોઈ વિશેષ સુવિધાઓ નહીં, જાણો કેવો છે જેલવાસ
વિરોધ પક્ષોએ પણ સમર્થન આપ્યું હતું
CPI(M)ના મહાસચિવ સીતારામ યેચુરીની હાજરીમાં કવિતાએ દિલ્હીના જંતર-મંતર ખાતે છ કલાકની ભૂખ હડતાળ શરૂ કરી હતી. તેમણે મોદી સરકાર પાસે સંસદના આ સત્રમાં મહિલા અનામત બિલ રજૂ કરવાની માંગ કરી હતી.
AAPના સંજય સિંહ, શિરોમણી અકાલી દળના નરેશ ગુજરાલ, માર્ક્સવાદી કમ્યુનિસ્ટ પાર્ટીના સુભાસિની અલી, પીપલ્સ ડેમોક્રેટિક પાર્ટી (PDP)ના અંજુમ જાવેદ મિર્ઝા, નેશનલ કોન્ફરન્સ (NC), રાષ્ટ્રીય જનતા દળ (RJD)ના શમી ફિરદૌસ તેમના પક્ષમાં હતા. કે શ્યામ રજક, સમાજવાદી પાર્ટી (SP)ના પૂજા શુક્લા, રાષ્ટ્રવાદી કોંગ્રેસ પાર્ટી (NCP)ના સીમા મલિક અને અન્ય ઘણા નેતાઓએ હાજરી આપી હતી.
