દિલ્હી ગર્લ ડ્રેગ કેસઃ કારમાં યુવતિ ફસાયેલી હોવા છતા યુ ટર્ન લઈને કાર દોડાવી, ભયાનક અકસ્માતનો નવો વીડિયો

દિલ્હીમાં ફરી એક ક્રૂરતાનો કિસ્સો સામે આવ્યો છે. કાંઝાવાલા અકસ્માતનો વધુ એક વીડિયો સામે આવ્યો છે. તે સ્પષ્ટપણે જોઈ શકાય છે કે કેવી રીતે આરોપીએ તમામ હદો વટાવી દીધી. આમાં વાહનની નીચે કંઈક ફસાયેલું પણ જોવા મળે છે. અનુમાન લગાવવામાં આવી રહ્યું છે કે આ છોકરીનો મૃતદેહ હોઈ શકે છે.

Clear CCTV of Delhi Kanjhawala Accident where girl dragged for few KM #Kanjhawala #delhi @SwatiJaiHind @RahulGandhi pic.twitter.com/Di1T2B7o4h

— Sachin Tiwari (@SachinReport) January 1, 2023

પોલીસ કાંઝાવાલા વિસ્તારમાંથી આરોપીના બલેનો વાહનના અન્ય સીસીટીવી ફૂટેજની તપાસ કરી રહી છે. કેસમાં પ્રત્યક્ષદર્શી દીપકે જણાવ્યું હતું કે વાહને આગળ જતાં યુ-ટર્ન લીધો હતો. CCTV 3:34 પર છે. કાંઝાવાલાના લાડપુર ગામથી થોડે આગળ વાહન યુ-ટર્ન લે છે અને તોસી ગામ તરફ પાછા આવે છે.

આરોપીએ 8 કિલોમીટર સુધી કાર ચલાવી હતી

તોસી ગામ પાસે બાળકીની લાશ પણ મળી આવી છે. અકસ્માત બાદ વાહન લગભગ 8 કિલોમીટર સુધી હંકારી ગયું હતું. આ દરમિયાન યુવતીના શરીર પરથી તમામ કપડા ફાટી ગયા હતા. લગભગ 4 વાગ્યે દિલ્હી પોલીસને મૃતદેહ નગ્ન અવસ્થામાં હોવાની માહિતી મળી. આ કેસમાં કારમાં મુસાફરી કરી રહેલા પાંચ યુવકોની ધરપકડ કરવામાં આવી છે.

કાર અને સ્કુટીની ફોરેન્સિક તપાસ કરવામાં આવશે

યુવતીના પરિવારજનોએ પોલીસ પર બળાત્કાર અને આરોપીને બચાવવાનો આરોપ લગાવ્યો છે. આ અંગે રાષ્ટ્રીય મહિલા આયોગે પણ દિલ્હી પોલીસને બળાત્કારના એંગલથી તપાસની માંગ કરતો પત્ર લખ્યો છે. આ કેસમાં દિલ્હી એફએસએલની ટીમ આરોપીની કાર અને બાળકીની ક્ષતિગ્રસ્ત સ્કૂટીની ફોરેન્સિક તપાસ કરશે.

આ પણ વાંચો : દેશમાં ફરી કોરોનાના કેસ વધ્યા, આ 5 રાજ્યોમાં મોટો ખતરો, અહીં એક્ટિવ કેસ સૌથી વધુ