દિલ્હી ચૂંટણી : પોસ્ટલ બેલેટ પેપર મતગણતરીમાં કેજરીવાલ, આતિશી અને સિસોદિયા પાછળ

નવી દિલ્હી, 8 ફેબ્રુઆરી : સરકારનો નિર્ણય આજે દિલ્હીમાં થવાનો છે. વિધાનસભા ચૂંટણીના પરિણામોનો સમય આવી ગયો છે. મતગણતરી ત્રિસ્તરીય સુરક્ષા વ્યવસ્થા વચ્ચે રાખવામાં આવી છે. 11 જિલ્લાના 19 કેન્દ્રો પર મતગણતરી થઈ રહી છે. અરવિંદ કેજરીવાલની આગેવાનીવાળી આમ આદમી પાર્ટી (AAP) સતત ત્રીજી વખત જીતશે કે પછી ભાજપ રાજધાનીમાં સત્તાના 27 વર્ષના દુષ્કાળનો અંત લાવશે તેના પર સૌની નજર છે.

આ સાથે જ છેલ્લી બે ચૂંટણીમાં એક પણ બેઠક ન જીતી શકનાર કોંગ્રેસને પણ આ ચૂંટણીમાંથી ઘણી અપેક્ષાઓ છે. શાહદરા, મધ્ય દિલ્હી, પૂર્વ દક્ષિણ અને દક્ષિણ-પશ્ચિમ જિલ્લામાં દરેકમાં એક મતગણતરી કેન્દ્ર સ્થાપિત કરવામાં આવ્યું છે.

 ઉત્તર, પશ્ચિમ, ઉત્તર-પૂર્વ અને દક્ષિણ-પૂર્વ જિલ્લાઓમાં બે-બે મતગણતરી કેન્દ્રો છે, જ્યારે નવી દિલ્હી અને ઉત્તર-પશ્ચિમ જિલ્લામાં ત્રણ-ત્રણ મતગણતરી કેન્દ્રો સ્થાપિત કરવામાં આવ્યા છે, જ્યાં મતોની ગણતરી થઈ રહી છે.  મતગણતરી માટે કુલ 5,000 જવાનોને તૈનાત કરવામાં આવ્યા છે. રાજધાનીમાં 5 ફેબ્રુઆરીએ મતદાન થયું હતું.  ચૂંટણી પંચના જણાવ્યા અનુસાર, કુલ 60.54 ટકા મતદાન થયું હતું.

 દિલ્હી ચૂંટણી પરિણામો: ક્યાં અને કોણ આગળ?

સૌરભ ભારદ્વાજ ગ્રેટર કૈલાશથી આગળ છે. ઓખલાથી અમાનતુલ્લા ખાન આગળ છે. સુલતાનપુર મજરાથી મુકેશ અહલાવત આગળ છે. કરવલ નગરથી કપિલ મિશ્રા આગળ છે. મોતીનગરથી ભાજપના હરીશ ખુરાના આગળ છે.  રાજૌરી ગાર્ડનના મનજિંદર સિંહ સિરસાએ આગેવાની લીધી છે.

પોસ્ટલ બેલેટમાં કેજરીવાલ અને સિસોદિયા પાછળ

કેજરીવાલ, આતિશી અને સિસોદિયા ત્રણેય પોસ્ટલ બેલેટની ગણતરીમાં પાછળ રહી ગયા છે.  ભાજપે અત્યાર સુધી 14 બેઠકો પર લીડ મેળવી છે. AAP 9 સીટો પર આગળ છે. કોંગ્રેસ એક સીટ પર આગળ છે.