રેખા ગુપ્તા દિલ્હીના સીએમ બન્યા, પ્રવેશ શર્મા અને કપિલ મિશ્રા સહિત 6 મંત્રીઓએ શપથ લીધા
નવી દિલ્હી, 20 ફેબ્રુઆરી 2025 : રેખા ગુપ્તાએ દિલ્હીના નવમા મુખ્યમંત્રી તરીકે શપથ લીધા. દિલ્હીના લેફ્ટનન્ટ ગવર્નર વીકે સક્સેનાએ શપથ લેવડાવ્યા હતા. ભાજપ 27 વર્ષ બાદ દિલ્હીમાં પરત ફર્યું છે. આ અવસરે પીએમ મોદી અને ગૃહમંત્રી અમિત શાહ સહિત અનેક પ્રતિષ્ઠિત મહેમાનો હાજર રહ્યા હતા. રેખા ગુપ્તા દિલ્હીના ચોથા મહિલા મુખ્યમંત્રી બનશે.
પ્રવેશ વર્મા સહિત 6 ધારાસભ્યોએ મંત્રી તરીકે શપથ લીધા
પ્રવેશ વર્મા સહિત છ લોકોએ મંત્રી તરીકે શપથ લીધા. આ યાદીમાં પંકજ સિંહ, આશિષ સૂદ, રવિન્દ્ર ઈન્દ્રરાજ, કપિલ મિશ્રા અને મનજિંદર સિંહ સિરસાનું નામ સામેલ છે. આજે મોડી સાંજ સુધીમાં મંત્રાલય અને તેનો ચાર્જ પણ સોંપવામાં આવી શકે છે. પંકજ સિંહ બિહારના રહેવાસી છે અને રાજપૂત ચહેરો છે. આ સિવાય રવિન્દ્ર ઈન્દ્રરાજ દલિત ચહેરો છે. ભાજપે કેબિનેટમાં તમામ વર્ગોને સ્થાન આપ્યું છે.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
પીએમ મોદી સહિત ઘણા મોટા નેતાઓ હાજર રહ્યા હતા
દિલ્હીના મુખ્યમંત્રીના શપથ ગ્રહણ કાર્યક્રમમાં પીએમ મોદી સહિત ઘણા મોટા નેતાઓ હાજર રહ્યા હતા. પીએમ મોદી ઉપરાંત ગૃહમંત્રી અમિત શાહ, મહારાષ્ટ્રના સીએમ દેવેન્દ્ર ફડણવીસ, આંધ્રપ્રદેશના સીએમ ચંદ્રાબાબુ નાયડુ, જેડીયુના કેન્દ્રીય મંત્રી લલન સિંહ, બિહારના ડેપ્યુટી સીએમ સમ્રાટ ચૌધરી પણ હાજર હતા. શપથ ગ્રહણ સમારોહ દરમિયાન NDA નેતાઓનો મેળાવડો જોવા મળ્યો હતો.
કોણ છે દિલ્હીના સીએમ રેખા ગુપ્તા?
રેખા ગુપ્તા દિલ્હીના નવા મુખ્યમંત્રી બનશે. તે શાલીમાર બાગ બેઠક પરથી જીતીને ધારાસભ્ય બન્યા હતા. બુધવારે ભાજપ ધારાસભ્ય દળની બેઠકમાં તેમના નામને મંજૂરી આપવામાં આવી હતી. આવતીકાલે એટલે કે શુક્રવારે તે દિલ્હીના રામલીલા મેદાનમાં મુખ્યમંત્રી પદના શપથ લેશે. રેખા ગુપ્તા વ્યવસાયે વકીલ છે. આ સિવાય તેમની ગણતરી ભાજપના અગ્રણી નેતાઓમાં થાય છે. તે દિલ્હી ભાજપના મહાસચિવ અને ભાજપના મહિલા મોરચાના રાષ્ટ્રીય ઉપાધ્યક્ષ પણ છે. રેખા ગુપ્તાનો જન્મ હરિયાણાના જીંદમાં થયો હતો, પરંતુ તેમણે તેમનું શિક્ષણ દિલ્હીમાં મેળવ્યું હતું.
આ પણ વાંચો : ગુજરાત બજેટ : વર્ષ 2025-26ની બજેટ પોથીમાં આદિજાતિ તેમજ કચ્છની સંસ્કૃતિની ઝલક જોવા મળી
