દિલ્હીઃ ગૃહ મંત્રાલયના બીજા માળે આગ લાગી, કોમ્પ્યુટર અને દસ્તાવેજ બળીને ખાખ
- ગૃહ મંત્રાલયની ઑફિસના બીજા માળે સવારે લગભગ 9.20 વાગ્યે આગ લાગી હતી, જે પછી અગ્નિશામકોએ સવારે 9.35 વાગ્યે આગ પર કાબૂ મેળવ્યો હતો
દિલ્હી, 16 એપ્રિલ: દિલ્હીમાં કાળઝાળ ગરમી વચ્ચે આગની ઘટનાઓની સંખ્યા પણ વધી છે. કેન્દ્રીય સચિવાલયના નોર્થ બ્લોકમાં સ્થિત ગૃહ મંત્રાલય (MHA) કાર્યાલયના બીજા માળે મંગળવારે (16 એપ્રિલ) સવારે આગ લાગી હતી. આ માહિતી આપતા ફાયર વિભાગના અધિકારીએ જણાવ્યું કે આ આગમાં કોઈ જાનહાનિના સમાચાર નથી.
A minor fire broke out on Tuesday, April 16 on the second floor of the North Block in Delhi, which houses the Ministries of Home Affairs and Personnel. No injuries and the blaze was brought under control with the help of fire tenders: Sources
— ANI (@ANI) April 16, 2024
ન્યૂઝ એજન્સી એએનઆઈ અનુસાર, દિલ્હી ફાયર સર્વિસ (ડીએફએસ)ના એક વરિષ્ઠ અધિકારીએ જણાવ્યું કે, માહિતી મળતાં જ ફાયર બ્રિગેડની સાત ગાડીઓ ઘટનાસ્થળે પહોંચી ગઈ હતી અને સવારે 9.35 વાગ્યા સુધીમાં આગ પર કાબૂ મેળવી લેવામાં આવ્યો હતો. DFSના જણાવ્યા અનુસાર ગૃહ મંત્રાલયની ઓફિસના IC ડિવિઝનમાં બીજા માળે સવારે લગભગ 9.20 વાગ્યે આગની જાણ થઈ હતી, ત્યારબાદ ફાયર ફાઈટરોએ 9.35 વાગ્યા સુધીમાં આગને કાબૂમાં લીધી હતી.
એસી યુનિટમાંથી શરૂ થયેલી આગ દસ્તાવેજો સુધી પહોંચી
મિરર નાઉના અહેવાલ મુજબ, આગ એસી યુનિટમાંથી શરૂ થઈ હતી. અધિકારીએ જણાવ્યું કે આ ઘટનામાં એસી, ઝેરોક્સ મશીન, કેટલાક કોમ્પ્યુટર અને કેટલાક દસ્તાવેજોની સાથે પંખામાં પણ આગ લાગી હતી અને તેને નુકસાન થયું હતું. તેમણે કહ્યું કે આ ઘટનામાં કોઈ જાનહાનિની માહિતી નથી. અધિકારીએ જણાવ્યું કે આગના સમયે કેન્દ્રીય ગૃહ પ્રધાન અમિત શાહ બિલ્ડિંગમાં હાજર ન હતા, પરંતુ ઘણા વરિષ્ઠ અધિકારીઓ ત્યાં હાજર હતા.
આ પણ વાંચો: ‘મારું નામ અરવિંદ કેજરીવાલ છે અને હું આતંકવાદી નથી’, જેલમાંથી દિલ્હીના CMનો સંદેશો
