દિલ્હી: ગ્રેટર કૈલાશમાં એક મકાનમાં આગ લાગી, ફાયર બ્રિગેડનો કાફલો ઘટના સ્થળે
- આગના કારણે વિસ્તારમાં અફરાતફરીનો માહોલ સર્જાયો છે.
- આગ લાગવાનું કારણ હજુ સુધી જાણી શકાયું નથી.
- હાલ ફાયર ફાઈટર આગ ઓલવવાના પ્રયાસો કરી રહ્યા છે.
નવી દિલ્હી, 13 ડિસેમ્બર: ગઈકાલે મોડી રાત્રે દિલ્હીના ગ્રેટર કૈલાશ વિસ્તારમાં ભીષણ આગ લાગી હતી. આ આગ એક મકાનમાં લાગી હતી. ઘટનાની જાણ થતાં જ ફાયર બ્રિગેડની ચાર ગાડીઓ ઘટનાસ્થળે પહોંચી હતી અને આગ પર કાબૂ મેળવવાનો પ્રયાસ કર્યો હતો. હાલ કોઈ જાનહાનિની માહિતી નથી.
આગના કારણે વિસ્તારમાં અફરાતફરીનો માહોલ સર્જાયો છે. આગ લાગવાનું કારણ હજુ સુધી જાણી શકાયું નથી. હાલ ફાયર ફાઈટર આગ ઓલવવાના પ્રયાસો કરી રહ્યા છે. લાંબા સમય બાદ પણ આગ પર કાબુ મેળવી શકાયો ન હતો.
#WATCH | A massive fire breaks out in a house in the Greater Kailash area of Delhi. Four fire tenders are present at the spot. More details awaited. pic.twitter.com/7AcSxXsqHH
— ANI (@ANI) December 12, 2023
ઝૂંપડપટ્ટીમાં આગ લાગી, છ ઝૂંપડીઓ બળીને રાખ
ગૌતમ બુદ્ધ નગરના સેક્ટર-123 સ્થિત પાર્થલા ગામ પાસેની ઝૂંપડપટ્ટીમાં ગઈકાલે બપોરે આગ લાગી હતી. ફાયર વિભાગની અડધો ડઝન ગાડીઓ ઘટના સ્થળે પહોંચી આગને કાબુમાં લીધી હતી. આ ઘટનામાં છ ઝૂંપડીઓ બળી ગઈ હતી અને અડધો ડઝન જેટલી બકરીઓ મૃત્યુ પામી હતી. નોઈડાના ચીફ ફાયર ઓફિસર (CFO) પ્રદીપ કુમાર ચૌબેએ જણાવ્યું કે ગઈકાલે પાર્થલા ચોક પાસેની ઝૂંપડપટ્ટીમાં આગ લાગવાની માહિતી મળી હતી.
કોઈ જાનહાનિના અહેવાલ નથી
તેમણે કહ્યું કે, છ ફાયર એન્જિનની મદદથી આગ પર કાબૂ મેળવ્યો હતો. આ ઘટનામાં છ ઝૂંપડા બળી ગયા હતા. સીએફઓએ કહ્યું કે આ ઘટનામાં કોઈ જાનહાનિની માહિતી નથી. ઝૂંપડપટ્ટીની નજીક ફેલાયેલા કચરામાં આગ શરૂ થઈ અને થોડી જ વારમાં આગએ વિકરાળ સ્વરૂપ ધારણ કરી લીધું હતું.
આ પણ વાંચો, છત્તીસગઢ અને મધ્યપ્રદેશમાં આજે નવા CM લેશે શપથ, PM મોદી રહેશે હાજર
