દેખ રહે હો, કાન્સ પહોંચ્યો બિનોદ… ફિલ્મનો જલવો: દર્શકોએ 10 મિનિટ સુધી સ્ટેન્ડિંગ ઓવેશન આપ્યું
- પંચાયત સીરિઝમાં બિનોદના પાત્રથી લોકપ્રિય થયેલા અશોક પાઠકની સિનેમેટિક કરિયરમાં મોટો માઈલસ્ટોન
મુંબઈ, 21 મે: વેબ સિરીઝ ‘પંચાયત’માં બિનોદનું પાત્ર ભજવનાર અભિનેતા અશોક પાઠકને રાતોરાત જબરદસ્ત લોકપ્રિયતા મળી ગઈ છે. તેમના મીમ્સ એટલી ઝડપથી વાઈરલ થયા કે જે લોકોએ આ લોકપ્રિય શ્રેણી જોઈ ન હતી તેમને પણ ખ્યાલ આવ્યો કે સ્ટોરીમાં એક બિનોદ છે જે બધું ‘જોઈ રહ્યો છે’ હવે અશોક પાઠકની સિનેમેટિક કરિયરમાં એક મોટો માઈલસ્ટોન આવી ગયો છે, જેની દરેક કલાકાર રાહ જુએ છે. અશોક પાઠકની ફિલ્મ ‘સિસ્ટર મિડનાઈટ’નું પ્રીમિયર વિશ્વના સૌથી મોટા ફિલ્મ ફેસ્ટિવલ પૈકીના એક કાન્સ ફિલ્મ ફેસ્ટિવલમાં કરવામાં આવ્યું છે. આ ફિલ્મના પ્રીમિયરને જોઈને કાન્સ ફિલ્મ ફેસ્ટિવલમાં દર્શકોએ 10-મિનિટનું સ્ટેન્ડિંગ ઓવેશન આપીને તાળીઓ વગાળી હતી.
View this post on Instagram
અશોક પાઠકની ફિલ્મ કાન્સમાં ચમકી
દિગ્દર્શક કરણ કંધારીની ફિલ્મ ‘સિસ્ટર મિડનાઈટ’માં લોકપ્રિય અભિનેત્રીઓ રાધિકા આપ્ટે અને અશોક પાઠકે કામ કર્યું છે. આ બંનેએ મુંબઈની ઝૂંપડપટ્ટીમાં રહેતા કપલનું પાત્ર ભજવ્યું છે. આ ફિલ્મ કાન્સ ફિલ્મ ફેસ્ટિવલની પેરેલલ(સમાંતર) ચાલતા ડિરેક્ટર્સના ફોર્ટનાઇટ વિભાગમાં પસંદ કરવામાં આવી હતી, જેમાં વિશ્વભરની ફિલ્મો બતાવવામાં આવે છે. આ વર્ષે ભારતમાંથી ‘સિસ્ટર મિડનાઈટ’ એકમાત્ર ફિલ્મ સામેલ કરવામાં આવી હતી.
View this post on Instagram
એબીપી અનકટે જણાવ્યું કે, અશોક પાઠકની ફિલ્મને કાન્સમાં 10 મિનિટનું સ્ટેન્ડિંગ ઓવેશન મળ્યું. અશોકે તેની સ્ટોરી પર ફિલ્મના સ્ક્રીનિંગ પછી મળેલા સ્ટેન્ડિંગ ઓવેશનનો વીડિયો પણ શેર કર્યો હતો, જેમાં તે સફેદ સૂટ પહેરીને સ્ટેજ પર જોવા મળે છે. રાધિકા અને અશોકની આ ફિલ્મને ઈન્ટરનેશનલ મીડિયા પ્લેટફોર્મ પર ખૂબ સારા રિવ્યુ મળી રહ્યા છે. સ્ક્રીન ડેઈલીની સમીક્ષાએ ‘સિસ્ટર મિડનાઈટ’ને હિન્દી ભાષાના સિનેમામાં ‘વિશેષ અને અસામાન્ય’ ફિલ્મ ગણાવી હતી.
અશોક પાઠક ટૂંક સમયમાં ‘બિનોદ’ તરીકે પરત ફરશે
View this post on Instagram
આંતરરાષ્ટ્રીય મંચ પર પોતાની ફિલ્મ માટે ઘણી પ્રશંસા મેળવી રહેલા અશોક પાઠક ટૂંક સમયમાં ફરીથી એ પાત્રમાં જોવા મળશે જેણે તેમને ખૂબ જ લોકપ્રિયતા આપી છે. અશોક એમેઝોન પ્રાઇમની વેબ સીરિઝ ‘પંચાયત’ની ત્રીજી સીઝનમાં ફરીથી બિનોદના રોલમાં જોવા મળશે. તાજેતરમાં જ આ શોનું ટ્રેલર આવ્યું હતું જેમાં અશોક ફરીથી ફૂલેરા ગામના એક સાદા માણસ બિનોદના રોલમાં જોવા મળે છે. ‘પંચાયત 3’ 29મી મેના રોજ રિલીઝ થઈ રહી છે.
આ પણ જુઓ: સુષ્મિતા સેનને યાદ આવ્યું ‘મિસ યુનિવર્સ’નું મંચ, ઐતિહાસિક જીતના 30 વર્ષની કરી આ રીતે ઉજવણી!
