દહેગામ: હરખજીના મુવાડા પાસે અકસ્માતમાં નાના બાળક સહિત 4ના મોત
દહેગામના હરખજીના મુવાડા પાસે અકસ્માત થયો છે. જેમાં બાઈક અને ડમ્પર વચ્ચે અકસ્માત સર્જાયો હતો. તેમાં 4 વર્ષના બાળક અને તેના નાનાનું મોત થયું હતું. ત્યારે આજે બાળકની માતા અને નાનીનું પણ મોત થયું છે.
આ પણ વાંચો: સુરતમાં ઈરાની ગેંગ આતંક મચાવે તે પહેલા પોલીસે સાગરીતોની ધરપકડ કરી
માતા અને નાની પણ જિંદગીનો જંગ હારી ગયા
ગાંધીનગર જિલ્લાના દહેગામ કપડવંજ રોડ પર હરખજીના મુવાડા પાસે હાઇવે ઉપર શનિવારે બાઈક અને ડમ્પર વચ્ચે સર્જાયેલા ગમખ્વાર અકસ્માતમાં 4 વર્ષના માસુમ બાળક અને તેના નાનાનું મૃત્યુ બાદ રવિવારે માતા અને નાની પણ જિંદગીનો જંગ હારી ગયા હતા. ગાંધીનગર જિલ્લાના દહેગામ કપડવંજ હાઇવે પર હરખજીના મુવાડા નજીક દહેગામ તરફ આવી રહેલા બાઈકને ડમ્પર ચાલકે અડફેટે લેતાં, ચાર વર્ષના માસુમ મયુર શૈલેષભાઈ બારૈયાનું ઘટના સ્થળ ઉપર જ કરુણ મોત નીપજ્યું હતું.
આ પણ વાંચો: કચ્છના પૂર્વ કલેકટર પ્રદીપ શર્માની મુશ્કેલીમાં વધારો થયો
એક જ પરિવારના ચાર લોકોના અકસ્માતમાં મોત
ઘટનાને પગલે એકત્રિત થયેલા લોકોએ ઈજાગ્રસ્ત તખતસિંહ કુબેરસિંહ સોલંકી (ઉ.વ.54), જશોદાબેન તખતસિંહ સોલંકી ઉંમર વર્ષ 60 તથા હિરલબેન શૈલેષકુમાર બારૈયા (ઉ.વ. 32) ને સારવાર અર્થે ખસેડ્યા હતા. જ્યાં તખતસિંહનું પણ મૃત્યુ નીપજ્યું હતું. જ્યારે જશોદાબેન અને પુત્રી હિરલ સારવાર હેઠળ હતા. ગંભીર રીતે ઘવાયેલા જશોદાબેન અને હિરલનું પણ સારવાર દરમિયાન મોત થતાં, ક્ષણભરમાં જ પતિ- પત્ની, પુત્રી અને દોહિત્ર સાથેનો પરિવાર વિખેરાઈ ગયો હતો. આમ એક જ પરિવારના ચાર લોકોના અકસ્માતમાં મોત નીપજવાથી સમગ્ર પંથકમાં શોકનું મોજુ ફરી વળ્યું છે.
