દીપિકા-રણવીરની દિકરી દુઆ ત્રણ મહિનાની થતા દાદીએ પોતાના વાળનું દાન કર્યું!
- દીપિકા-રણવીરની દિકરી દુઆ ત્રણ મહિનાની થતા તેની દાદી અને રણવીરની માતા અંજુ ભવનાનીએ પૌત્રી પર અનોખી રીતે પ્રેમ વરસાવ્યો છે
HD ન્યુઝ ડેસ્કઃ દીપિકા પાદુકોણ અને રણવીર સિંહ હાલમાં તેમના પેરેન્ટહૂડમાં વ્યસ્ત છે. 8 સપ્ટેમ્બર, 2024ના રોજ, દંપતીએ તેમની પ્રથમ પુત્રી દુઆનું સ્વાગત કર્યું હતું. લિટલ એન્જલના જન્મને ત્રણ મહિના થયા છે. રણવીર સિંહની માતા અને દુઆની દાદી અંજુ ભવનાનીએ તેની પૌત્રી પર અનોખી રીતે પ્રેમ વરસાવ્યો છે, જેના દરેક વ્યક્તિ વખાણ કરી રહી છે.
રણવીર સિંહની માતાએ વાળનું દાન કર્યું
તાજેતરમાં દુઆની ત્રીજી મંથ એનિવર્સરી હતી. આ ખાસ અવસરે રણવીર સિંહની માતાએ તેના વાળ દાનમાં આપ્યા હતા. રણવીરની માતા અંજુએ તેના લાંબા વાળની કુરબાની આપી, જેની દરેક લોકો પ્રશંસા કરી રહ્યા છે. અંજુ ભવનાનીએ તેના ઈન્સ્ટાગ્રામ પર કેટલીક તસવીરો પોસ્ટ કરી છે જેમાં વાળ ડોનેટ કરવાની જાણકારી આપવામાં આવી છે. તેણે કહ્યું કે તે તેની પૌત્રીના સારા સ્વાસ્થ્ય અને દીર્ઘાયુની ઈચ્છા સાથે પોતાના વાળ દાન કરી રહી છે.
View this post on Instagram
ત્રણ મહિનાની પૌત્રી દુઆ માટે લખ્યો મેસેજ
સોશિયલ મીડિયા પર તેની તસવીરો પણ સામે આવી છે. પાપારાઝી વિરલ ભાયાણી દ્વારા શેર કરવામાં આવેલી પોસ્ટમાં અંજુ ભવનાનીની પોસ્ટના સ્ક્રીનશૉટ્સ છે જેમાં તે પોતાના કાપેલા વાળ બતાવી રહી છે. ઉપરાંત સ્કેલ પર કાપેલા વાળની લંબાઈ પણ દેખાય છે. તેમણે મેસેજમાં લખ્યું છે કે, ત્રીજા મહિનાના જન્મદિવસની શુભકામનાઓ મારી પ્રિય દુઆ. આ ખાસ દિવસને પ્રેમ અને સારી આશા સાથે ઉજવીએ. જેમ અમે દુઆને મોટી થતી જોવાની ખુશી અને સુંદરતાનો અનુભવ કરી રહ્યા છીએ, તેમ જ આપણે આપણી ભલાઈની શક્તિનો અહેસાસ પણ કરી રહ્યા છીએ અને આશા છે કે આ નાનું પગલું મુશ્કેલ સમયમાંથી પસાર થઈ રહેલા વ્યક્તિને આરામ અને આત્મવિશ્વાસ આપી શકે છે.
આ પણ વાંચોઃ અભિનેતા ન હોત તો કદાચ અંડરવર્લ્ડમાં હોત, મારો ગુસ્સો ખતરનાકઃ નાના પાટેકર
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
