ઓસ્કારમાં કડકડાટ અંગ્રેજી બોલતી દીપિકા પાદુકોણ માત્ર આટલું ભણી છે, આ કારણે છોડ્યો હતો અભ્યાસ
બોલીવુડની ટોપ અભિનેત્રીઓની વાત કરીએ તો દીપિકા પાદુકોણનું નામ સૌથી ઉપર આવશે. તેની તાજેતરની ફિલ્મ પઠાણ સફળ રહી છે અને સૌથી વધુ કમાણી કરનારી ફિલ્મ બની છે. ત્યારે હાલમાં જ દીપિકા પાદુકોણે ઓસ્કારના મંચ પરથી જે રીતે દેશનું ગૌરવ વધાર્યું છે તે બાદ તેના ખુબ વખાણ થઈ રહ્યા છે. પરંતુ શું તમે જાણો છો કે દીપિકા પાદુકોણ બારમા ધોરણથી આગળ ભણી શકી નથી.
દીપિકા પાદુકોણ 12મું ધોરણ પાસ છે
બોલિવૂડ અભિનેત્રી દીપિકા પાદુકોણની આત્મવિશ્વાસપૂર્ણ સ્મિત અને શાનદાર ઓસ્કાર સ્પીચ સાંભળ્યા પછી સૌ કોઈ તેની પ્રશંસા કરી રહ્યા હતા. પરંતુ તે સાંભળ્યા પછી શું તમે માનશો કે તેણે 12મું ધોરણ પણ બહુ મુશ્કેલથી પાસ કર્યું છે?
દીપિકા પાદુકોણે અફસોસ વ્યક્ત કર્યો હતો
પોતાની અભિનય કૌશલ્ય, પોતાની સુંદરતા અને સ્ટાઇલિશ અદાઓથી આટલા વર્ષોથી લાખો ચાહકોના દિલો પર રાજ કરતી અભિનેત્રીના અભ્યાસ વિશે અમે તમને જણાવીશું. બોલીવુડની જાણીતી અભિનેત્રી અભ્યાસમાં એટલી આગળ નથી. જોકે, દીપિકા પાદુકોણ હાલ જે ઊંચાઈ પર છે તેના લીધે તેને આ બાબતોથી કોઈ ફરક પડતો નથી. પરંતુ એક વીડિયોમાં દીપિકા પાદુકોણે પોતે પોતાનો અભ્યાસ પૂરો ન કરી શકવા બદલ અફસોસ વ્યક્ત કર્યો હતો.
View this post on Instagram
અભ્યાસ પુરો ન કરી શકવાનું કારણ જણાવ્યું
દીપિકા પાદુકોણે પોતે એકવાર એક ફંક્શનમાં આ વાત કહી હતી. તેણીએ કહ્યું કે તે કોઈક રીતે કોર્સ અથવા ડિગ્રી કરવા માંગતી હતી, પરંતુ તે તેના માટે સમય કાઢી શકી ન હતી. દીપિકા પાદુકોણે એમ પણ જણાવ્યું કે, 12માની પરીક્ષા આપ્યા બાદ તેણે આગળના અભ્યાસ માટે અલગ-અલગ વિકલ્પો પણ શોધી કાઢ્યા હતા. તેણે ડિસ્ટેન્સ એજ્યુકેશન દ્વારા પણ અભ્યાસ કરવાનો પ્રયાસ કર્યો. પણ સફળ થઈ શકી નહીં.
આ પણ વાંચો : રજનીકાંતની દીકરી ઐશ્વર્યાના ઘરમાંથી લાખોના દાગીનાની ચોરી, આ વ્યક્તિ પર શંકા
