દીપિકા પાદુકોણે દેશને ફરી અપાવ્યું ગૌરવ : 95માં ઓસ્કારમાં સંભાળશે આ મોટી જવાબદારી
દીપિકા પાદુકોણે ફરી એકવાર દેશને ગૌરવ અપાવ્યું છે. આ અભિનેત્રીના નામની જાહેરાત ઓસ્કાર 2023ની પ્રસ્તુતકર્તા તરીકે કરવામાં આવી છે. દીપિકાએ ખુદ ઈન્સ્ટા પર આ માહિતીને શેર કરી જાણકારી આપી છે.
દીપિકા પાદુકોણ ઓસ્કાર 2023માં પ્રસ્તુતકર્તા બનશે
બોલિવૂડ અભિનેત્રી દીપિકા પાદુકોણે એક કરતા વધુ શાનદાર ફિલ્મો આપી છે. પરંતુ સાથે જ તે આંતરરાષ્ટ્રીય મંચ પર પોતાની હાજરીથી દેશને ગૌરવ આપાવી રહી છે. દીપિકા પાદુકોણે ફરી એકવાર દેશને ગર્વ કરવાનો મોકો આપ્યો છે. દીપિકા પાદુકોણ ઓસ્કાર 2023માં પ્રસ્તુતકર્તા તરીકે જોવા મળશે.
દીપિકા પાદુકોણે શેર કરી પોસ્ટ
ગુરુવારે રાત્રે, દીપિકાએ તમામ પ્રસ્તુતકર્તાઓના નામ સાથે ઇન્સ્ટાગ્રામ પર એક પોસ્ટ શેર કરી છે. આ યાદીમાં દિપીકા પાદુકોણની સાથે રિઝ અહેમદ, જેનિફર કોનેલી, એરિયાના ડીબોઝ, એમિલી બ્લન્ટ, ગ્લેન ક્લોઝ, સેમ્યુઅલ એલ જેક્સન, ડ્વેન જોન્સન, માઈકલ બી જોર્ડન, ટ્રોય કોત્સુર, જોનાથન મેજર્સ, મેલિસા મેકકાર્થી, જેનેલે મોના, ક્વેસ્ટલોવ અને ઝો સલાડાનાનો સમાવેશ થાય છે.
View this post on Instagram
ચાહકોએ દીપિકાને પાઠવ્યા અભિનંદન
દીપિકાએ પોસ્ટ શેર કરતાની સાથે જ કોમેન્ટ સેક્શન અભિનંદનના સંદેશાઓથી છલકાઈ ગયું હતું. દીપિકાની બહેન અનીષા પાદુકોણે કોમેન્ટ સેક્શનમાં લખ્યું, “બૂમ.” જ્યારે દીપિકાના પતિ રણવીરે કોમેન્ટ સેક્શનમાં ક્લેપ સાથે ઈમોજી પોસ્ટ કર્યું હતું. ત્યારે અભિનેત્રીના ચાહકો પણ દીપિકાને આ સિદ્ધિ માટે અભિનંદન આપી રહ્યા છે.
ભારતની ત્રણ ફિલ્મો ઓસ્કાર માટે નોમિનેટ
તમને જણાવી દઈએ કે 95માં એકેડેમી એવોર્ડ્સ 12 માર્ચ (ભારતમાં 13 માર્ચ) ના રોજ લોસ એન્જલસના ડોલી થિયેટરમાં યોજાશે. ઓસ્કારમાં ભારત માટે આ એક ખાસ વર્ષ છે. આ વખતે, માત્ર એક નહીં, પરંતુ ત્રણ ભારતીય ફિલ્મો ઓસ્કાર એવોર્ડ્સ 2023 માટે નોમિનેશનમાં છે. ફિલ્મ ‘RRR’નું ગીત ‘નાટૂં નાટૂં’ બેસ્ટ ઓરિજિનલ સોંગ માટે શોર્ટલિસ્ટ થયું છે. આ ગીતે વર્ષની શરૂઆતમાં આ જ શ્રેણીમાં ગોલ્ડન ગ્લોબ એવોર્ડ પણ જીત્યો હતો. જ્યારે શૌનક સેનની ‘ઓલ ધેટ બ્રેથ્સ’ને બેસ્ટ ડોક્યુમેન્ટરી ફીચર ફિલ્મ માટે અને ગુનીત મોંગાની ‘ધ એલિફન્ટ વ્હીસ્પર્સ’ને બેસ્ટ ડોક્યુમેન્ટરી શોર્ટ માટે નોમિનેટ કરવામાં આવી છે.
આ પણ વાંચો : Happy birthday shraddha Kapoor: અભિનેત્રીના જન્મદિવસે જાણો તેનાથી જોડાયેલ કેટલીક રસપ્રદ વાતો
