દીપિકા પાદુકોણને FIFA વર્લ્ડકપમાં દેશની શાન વધારવાનો ચાન્સ મળ્યો

બોલીવુડ અભિનેત્રી દીપિકા પાદુકોણની ફેન ફોલોઇંગ જબરજસ્ત છે. તેની સુંદરતા અને એક્ટિંગ લોકોના દિલ પર રાજ કરે છે. તે પોતાની કરિયરમાં સતત આગળ વધી રહી છે. હવે તે કરિયરની વધુ એક સીડી ચઢીને દેશની શાન વધારી રહી છે.

દીપિકા પાદુકોણને FIFAમાં મોટો ચાન્સ મળી રહ્યો છે. તેથી દીપિકા કતાર જવા માટે રવાના થઇ ગઇ છે. દીપિતા કતારમાં 18 ડિસેમ્બરે રમાનારી ફાઇનલ મેચ પહેલા ફિફા વર્લ્ડ કપ ટ્રોફીનું અનાવરણ કરશે. દીપિકા ભરચક સ્ટેડિયમમાં ફિફા વર્લ્ડ કપ ટ્રોફીનું અનાવરણ કરશે, ફિફાના ઇતિહાસમાં આવું કરનાર તે પ્રથમ ઇન્ડિયન એક્ટર બનશે જેને આ સન્માન મળ્યુ હોય. રણવીર સિંહ પણ કતાર જઇને આ ગર્વની ક્ષણોનો સાક્ષી બનશે.

નોરા ફતેહી બાદ દીપિકા પાદુકોણનો વારો

FIFA વર્લ્ડ કપની ટ્રોફીનું અનાવરણ કરવુ ખરેખર સન્માનની બાબત છે. આ સમાચાર જાણ્યા બાદ ટુર્નામેન્ટના તમામ ફેન્સમાં જોશ ભરાઇ ગયો છે. તાજેતરમાં FIFA વર્લ્ડ કપમાં પર્ફોમન્સ કરવા નોરા ફતેહી પણ કતાર ગઇ હતી.

કાન્સમાં પણ જ્યુરી મેમ્બરમાં સામેલ થઇ હતી

દીપિકા તાજેતરમાં જ કાન્સ ફિલ્મ ફેસ્ટિવલમાં જ્યુરી તરીકે સામેલ થઇ હતી અને તેણે ભારતનું પ્રતિનિધિત્વ કર્યું હતું. ‘ગોલ્ડન રેશિયો ઓફ બ્યુટી’ અનુસાર વિશ્વની ટોપ 10 સૌથી સુંદર મહિલાઓની યાદીમાં તે એકમાત્ર ભારતીય પણ હતી. દીપિકા ટૂંક સમયમાં શાહરૂખ ખાન અને જ્હોન અબ્રાહમ સાથે ફિલ્મ પઠાણમાં જોવા મળશે, જે 25 જાન્યુઆરી, 2023ના રોજ રિલીઝ થઈ રહી છે.