દીપિકા પાદુકોણે કરાવ્યું અદ્ભૂત મેટરનિટી ફોટોશૂટ, જાણો ક્યારે થશે ડિલીવરી?

• દીપિકા પાદુકોણે તેની સ્ટાઈલ અને સ્ટેટસ મુજબ અદ્ભૂત મેટરનિટી શૂટ કરાવ્યું છે. બોલિવૂડની સેલિબ્રિટીસ તેની પ્રશંસા કરતા થાકતી નથી 

3 સપ્ટેમ્બર, મુંબઈઃ બોલિવૂડની ટોચની અભિનેત્રી દીપિકા પાદુકોણ હાલમાં દિવસોમાં તેની ગર્ભાવસ્થાના છેલ્લા તબક્કામાં છે. અભિનેત્રી આ મહિનામાં જ તેના પહેલા બાળકને જન્મ આપશે. દીપિકા પાદુકોણે બેબી ડિલિવરી પહેલા મેટરનિટી ફોટોશૂટ કરાવ્યું છે, જેને જોઈને ફેન્સ ખૂબ ખુશ થઈ ગયા છે.

દીપિકાના મેટરનિટી શૂટને લોકોએ ખૂબ વખાણ્યું

દીપિકા અને રણવીર સિંહની જોડીને ખૂબ જ પસંદ કરવામાં આવે છે. આ એક પાવર કપલ કહેવાય છે. બંને હંમેશા એકબીજા માટે પોતાનો પ્રેમ વ્યક્ત કરતા જોવા મળે છે. હવે અભિનેત્રીના લેટેસ્ટ પ્રેગ્નેન્સી ફોટોશૂટની ઘણી પ્રશંસા થઈ છે. દીપિકાએ રણવીર સિંહની બાહોમાં બેબી ફ્લોન્ટ કરતું ફોટોશૂટ કરાવ્યું હતું. આ કપલે 2 સપ્ટેમ્બરે ઈન્સ્ટાગ્રામ પર મેટરનિટી શૂટની ઘણી તસવીરો શેર કરી છે, જેને લોકો ખૂબ પસંદ કરી રહ્યા છે.

 

View this post on Instagram

 

A post shared by दीपिका पादुकोण (@deepikapadukone)

કપલે બ્લેક થીમમાં ફોટોશૂટ કરાવ્યું

આ પાવરફુલ કપલે બ્લેક થીમમાં ફોટોશૂટ કરાવ્યું છે અને ફેન્સને બેબી બમ્પ બતાવ્યો છે. દીપિકાએ ઈન્સ્ટાગ્રામ પર 14 તસવીરો શેર કરી છે, જેમાં તે બ્લેક નેટ આઉટફિટમાં જોવા મળી રહી છે. કેટલીક તસવીરોમાં તેણે સ્વેટર, બ્લેઝર અને મેટરનિટી ગાઉન પહેર્યું છે. ખુલ્લા વાળ અને મિનિમલ મેકઅપ લુક સાથે તે ખૂબ ગોર્જિયસ ટૂ બી મોમ લાગી રહી છે. રણવીર સિંહ પણ તેની પત્નીના બેબી બમ્પ સાથે ઉત્સાહિત જોવા મળે છે

હોલિવૂડ એક્ટર વિન ડીઝલ, બોલિવૂડ સેલેબ્સ અર્જુન કપૂર, રિતિક રોશન, કિયારા અડવાણી, પ્રિયંકા ચોપરા સહિત ઘણા સેલેબ્સે આ તસવીરો પસંદ કરી છે અને કેટલાકે કોમેન્ટ કરીને કપલ માટે પોતાનો પ્રેમ વ્યક્ત કર્યો છે.

આ દિવસે થઈ શકે છે ડિલીવરી

આ દરમિયાન દીપિકા-રણવીરના પહેલા બાળકની ડિલિવરી ડેટ પણ સામે આવી છે. મીડિયા રિપોર્ટ્સ અનુસાર અભિનેત્રીની ડિલિવરી ડેટ 28 સપ્ટેમ્બર હોવાનું કહેવાય છે અને તે એ દિવસે મુંબઈની એક પ્રતિષ્ઠિત હોસ્પિટલમાં બાળકને જન્મ આપશે. કપલે આ વર્ષે 28 ફેબ્રુઆરીએ સોશિયલ મીડિયા પર એક પોસ્ટ સાથે તેમની પ્રેગ્નન્સીની જાહેરાત કરી હતી.

આ પણ વાંચોઃ ઈમરજન્સીના વિવાદની વચ્ચે કંગનાએ કરી નવી ફિલ્મ “ભારત ભાગ્ય વિધાતા”ની જાહેરાત