ઓલિમ્પિકમાં પ્રેમનો ઈઝહાર..! ગોલ્ડ જીતનાર ખેલાડીને મેચ બાદ સાથી ખેલાડીએ કર્યું પ્રપોઝ, જુઓ વીડિયો

પેરિસ, 03 ઓગસ્ટ : ચીનની બેડમિન્ટન ખેલાડી હુઆંગ યા ક્વિઓંગે ગઈકાલે શુક્રવારે પેરિસ ઓલિમ્પિકમાં ગોલ્ડ મેડલ જીત્યો હતો. જો કે, તેના માટે ખુશી આટલે સુધી મર્યાદિત ન હતી. તેણે ગોલ્ડ જીતતાની સાથે જ એક સાથી ખેલાડીએ તેને પ્રપોઝ કર્યું. હુઆંગ લગ્નના પ્રસ્તાવને નકારી શકી નહીં. પેરિસ ઓલિમ્પિકમાં પ્રેમની અભિવ્યક્તિનો આ પહેલો કિસ્સો છે. તેનો ક્યૂટ વીડિયો પણ વાયરલ થઈ રહ્યો છે.

હુઆંગે ભાવુક થઈ લગ્નનો પ્રસ્તાવ પણ સ્વીકાર્યો

હુઆંગે ઝેંગ સી વેઈ સાથે મળીને મિક્સ ડબલ્સની સ્પર્ધામાં દક્ષિણ કોરિયાની કિમ વોન હો અને જેઓંગ ના યુનને 21-8, 21-11થી હરાવીને પોતાનું અજેય અભિયાન ચાલુ રાખ્યું અને ગોલ્ડ મેડલ જીત્યો. તેના ગળામાં સુવર્ણ ચંદ્રક પહેરીને, હુઆંગ ચીની બેડમિન્ટન ટીમના અન્ય સાથી લી યુચેનને મળવા પહોંચી. લીએ પહેલા તેને ગુલદસ્તો આપ્યો અને પછી હુઆંગને પ્રપોઝ કર્યું. આ જોઈને હુઆંગ ભાવુક થઈ ગઈ. જોકે તેણે લગ્નનો પ્રસ્તાવ સ્વીકારી પણ લીધો હતો.

“I’ll love you forever! Will you marry me?”
“Yes! I do!”

OMG!!! Romance at the Olympics!!!❤️❤️❤️

Huang Yaqiong just had her “dream come true”, winning a badminton mixed doubles gold medal🥇with her teammate Zheng Siwei

Then her boyfriend Liu Yuchen proposed! 🎉🎉🎉 pic.twitter.com/JxMIipF7ij

— Li Zexin (@XH_Lee23) August 2, 2024

“આ પ્રસ્તાવ મારા માટે આશ્ચર્યજનક હતો”

હુઆંગે મેચ બાદ કહ્યું, ‘આ પ્રસ્તાવ મારા માટે આશ્ચર્યજનક હતો કારણ કે હું રમતોની તૈયારીમાં વ્યસ્ત હતી. હું ઓલિમ્પિક ચેમ્પિયન છું અને મને લગ્નનો પ્રસ્તાવ મળ્યો, જેની મને અપેક્ષા નહોતી. હુઆંગે કહ્યું, ‘હું અત્યારે જે લાગણીઓમાંથી પસાર થઈ રહી છું તે હું વ્યક્ત કરી શકતી નથી, કારણ કે હું ખૂબ જ ખુશ છું. તેણીએ હા પાડી હોવાથી તે ભાવુક પણ થઈ ગઈ હતી. સુવર્ણ ચંદ્રક જીતવું એ અમારા પ્રવાસમાં સન્માનની વાત છે. મેં ક્યારેય આની અપેક્ષા રાખી નથી.

માત્ર 41 મિનિટમાં મેચ જીતી

ટોક્યો ઓલિમ્પિકના સિલ્વર મેડલ વિજેતા યુચેન અને જુઆન મુશ્કેલ ડ્રો બાદ ગ્રુપ સ્ટેજમાંથી બહાર થવામાં નિષ્ફળ રહ્યા હતા. હુઆંગ અને ઝેંગ સી વેઈએ પેરિસ ગેમ્સમાં બેડમિન્ટનનો પ્રથમ ગોલ્ડ મેડલ જીત્યો હતો. તેઓએ શુક્રવારે કિમ વોન હો અને જિયોંગ ના યુન સામે શરૂઆતથી અંત સુધી પ્રભુત્વ ધરાવ્યું હતું. તેઓએ કોરિયન જોડીને 21-8, 21-11થી હરાવવા માટે માત્ર 41 મિનિટ લીધી હતી.

આ પણ વાંચો : બિગ બોસ ઓટીટી 3 વિજેતા બની સના મકબૂલ, ટ્રોફી સાથે જીત્યા 25 લાખ રૂપિયા