જનરલ બિપિન રાવતની આજે પુણ્યતિથિ, દેશના પ્રથમ CDS વિશે જાણો

• ભારતના પ્રથમ ચીફ ઓફ ડિફેન્સ સ્ટાફ અને ભૂતપૂર્વ આર્મી ચીફ જનરલ બિપિન રાવતની બીજી પુણ્યતિથિ 
• તમિલનાડુના કુન્નુરના નીલગીરી જંગલોમાં ભારતીય વાયુસેનાના હેલિકોપ્ટર ક્રેશમાં થયું હતું અવસાન 

અમદાવાદ, 8 ડિસેમ્બર : આજે ભારતના પ્રથમ ચીફ ઓફ ડિફેન્સ સ્ટાફ અને ભૂતપૂર્વ આર્મી ચીફ જનરલ બિપિન રાવતની બીજી પુણ્યતિથિ છે. 8 ડિસેમ્બર 2021ના રોજ તમિલનાડુના કુન્નુરના નીલગીરી જંગલોમાં ભારતીય વાયુસેનાના હેલિકોપ્ટર ક્રેશમાં તેમનું અવસાન થયું હતું. આ દરમિયાન તેમની સાથે તેમની પત્ની મધુલિકા રાવતનું પણ મૃત્યુ થયું હતું. જ્યારે આ બનાવ બન્યો ત્યારે સમગ્ર દેશ શોકમાં ડૂબી ગયો હતો. બિપિન રાવત એવા યોદ્ધા હતા જેમના નામથી જ દુશ્મન ધ્રૂજી જાય છે.

દેશના પ્રથમ CDS બન્યા બિપિન રાવત

જનરલ બિપિન રાવત એવા બહાદુર યોદ્ધા હતા, જેમણે દુશ્મનોને ખૂબ લડત આપી હતી. તેમનો જન્મ 16 માર્ચ 1958ના રોજ ઉત્તરાખંડના પૌરી ગઢવાલમાં એક સૈન્ય પરિવારમાં થયો હતો. તેમની બહાદુરી અને ફરજ પ્રત્યેની નિષ્ઠા જોઈને આર્મી ચીફના પદ પરથી નિવૃત્ત થયા બાદ તેમને દેશના પ્રથમ CDS બનાવવામાં આવ્યા હતા. જનરલ રાવતની ગર્જના સાંભળીને પાકિસ્તાન ડરી ગયું હતું.

આ એ ભારત નથી જે ફક્ત હુમલાઓની નિંદા કરે છે, આ નવું ભારત છે : જનરલ  

2015માં જ્યારે ભારતીય સેનાએ મ્યાનમારમાં ઘૂસીને કેટલાક આતંકવાદીઓને ખતમ કર્યા હતા. આ બાદ સેનાએ 2016માં PoKમાં પ્રવેશ કરીને પાકિસ્તાનને જવાબ આપ્યો હતો. જેમાં જનરલ બિપિન રાવતે ગર્જના જણાવ્યું કે, ‘આ એ ભારત નથી જે ફક્ત હુમલાઓની નિંદા કરે છે, આ નવું ભારત છે, જે દરેક ભાષા, સન્માન અને બંદૂકો જાણે છે.’ આજે પણ પાકિસ્તાની મીડિયામાં જનરલ બિપિન રાવતના આ નિવેદનને બતાવવામાં આવે છે. જે બાદ આતંકવાદીઓમાં સતત જનરલ રાવતનો ડર ઉભો થયો હતો. જ્યાં સુધી તેઓ આર્મી ચીફ હતા ત્યાં સુધી સેનાએ આતંકવાદ વિરુદ્ધ અનેક મિશન પાર પાડ્યા હતા. જનરલ રાવતનું અન્ય એક નિવેદન બહોળા પ્રમાણમાં યાદ રહ્યું છે. તેમણે કહ્યું હતું કે, “અમે મિત્ર સેના છીએ, પરંતુ જ્યારે અમને કાયદો અને વ્યવસ્થા જાળવવા માટે બોલાવવામાં આવે છે ત્યારે લોકોએ અમારાથી ડરવું જોઈએ.”

કાશ્મીરી પથ્થરબાજોને આપ્યો હતો જડબાતોડ જવાબ

જનરલ રાવતે કાશ્મીરમાં પથ્થરબાજોને જડબાતોડ જવાબ આપ્યો હતો. જેમાં તેમણે કહ્યું હતું કે, “કાશ આ લોકો પથ્થર ફેંકવાને બદલે અમારા પર ગોળીબાર કરતા હોત તો હું વધુ ખુશ હોત. પછી ઓછામાં ઓછું હું જે કરવા માંગુ છું તે કરી શક્યો.” કટ્ટરપંથીઓ તેમના નિવેદનનો અર્થ સમજી ગયા અને કાશ્મીરમાં પથ્થરમારો ઓછો થયો.

આ પણ જુઓ :અયોધ્યામાં 10,000 યાત્રાળુ રહી શકે તેવી વ્યવસ્થા કરવામાં આવી રહી છેઃ ચંપતરાય