દાઉદ ઈબ્રાહીમ પણ પાર્ટી બનાવશે અને ચૂંટણી લડશે! હાઈકોર્ટમાં થઈ એવી માગ, જજ થયા ગુસ્સે
- હાઈકોર્ટે જેલમાં બંધ નેતાઓને ચૂંટણી દરમિયાન વીડિયો કોન્ફરન્સિંગ દ્વારા પ્રચાર કરવાની મંજૂરી આપવાની અરજી ફગાવી
નવી દિલ્હી, 1 મે: દિલ્હી હાઈકોર્ટે જેલમાં બંધ નેતાઓને ચૂંટણી દરમિયાન વીડિયો કોન્ફરન્સિંગ દ્વારા પ્રચાર કરવાની મંજૂરી આપવાની અરજી ફગાવી દીધી છે. એટલું જ નહીં, આ અરજી પર સુનાવણી કરવાનો ઈન્કાર કરતાં હાઈકોર્ટે અરજદારને સખત ઠપકો પણ આપ્યો. દિલ્હી હાઈકોર્ટે કહ્યું કે, અરજદાર ઈચ્છે છે કે જેલમાં બંધ નેતાઓને વીડિયો કોન્ફરન્સિંગ દ્વારા પ્રચાર કરવાની મંજૂરી આપવામાં આવે. તેઓ સમજી રહ્યા છે કે, તેઓ શું માંગે છે. જો આમ કરવામાં આવશે તો દરેક કઠોર ગુનેગાર રાજકીય પક્ષ બનાવશે અને વીડિયો કોન્ફરન્સિંગ દ્વારા ચૂંટણી પ્રચારની માંગ કરશે. “
"Dawood Ibrahim would form a political party and contest elections… Every rapist, murderer will float a political party."
Delhi High Court dismisses PIL seeking directions to allow jailed politicians to campaign through VC during elections. #DelhiHighCourt… pic.twitter.com/Tft9ogwFNN
— Bar and Bench (@barandbench) May 1, 2024
દિલ્હી હાઈકોર્ટે અરજી પર કડક ટિપ્પણી કરી અને કહ્યું કે, જો તમારી માંગ સ્વીકારવામાં આવશે, તો દાઉદ ઈબ્રાહિમ રાજકીય પક્ષ બનાવશે અને ચૂંટણી લડશે… દરેક દુષ્કર્મીઓ, હત્યારાઓ રાજકીય પક્ષ બનાવશે અને વીડિયો કોન્ફરન્સિંગ દ્વારા પ્રચાર કરવાની માંગ કરશે. આ કાયદાના મૂળભૂત સિદ્ધાંતોની વિરુદ્ધ છે.”
હોઇકોર્ટના જજ થઈ ગયા ગુસ્સે
હાઈકોર્ટે કહ્યું કે, “છેલ્લા કેટલાક દિવસોથી આવી અનેક અરજીઓ કોર્ટમાં આવી રહી છે, જેમાં કોઈને જેલમાંથી મુક્ત કરવાની અથવા તો કોઈને જેલમાં ધકેલી દેવાની માંગ કરવામાં આવી રહી છે. આની પાછળ પ્રચાર પણ છે અને પ્રસિદ્ધિની ઈચ્છા પણ છે.” આ પછી, કોર્ટ અરજદાર પર ભારે દંડ ફટકારવા જઈ રહી હતી, પરંતુ અરજદારના વકીલે તે કાયદાનો વિદ્યાર્થી હોવાનું કહીને દંડ ન લગાવવા વિનંતી કરી હતી. કોર્ટે કોઈ દંડ લાદ્યો ન હતો પરંતુ તેને તેના ક્લાયન્ટને સત્તાના વિભાજન વિશે સમજાવવા કહ્યું હતું.
શું માંગ કરવામાં આવી હતી
હકીકતમાં, ધરપકડ કરાયેલા અને જેલમાં બંધ રાજકીય નેતાઓને વિડિયો કોન્ફરન્સિંગ દ્વારા લોકસભા ચૂંટણી 2024 માટે પ્રચાર કરવાની પરવાનગીની માંગ કરતી અરજી દિલ્હી હાઈકોર્ટમાં દાખલ કરવામાં આવી હતી, જેને કોર્ટે ધ્યાનમાં લેવાનો ઇનકાર કર્યો હતો.
આ પણ જુઓ: ચૂંટણી પંચના અંતિમ આંકડા જાહેર: પહેલા અને બીજા તબક્કામાં કેટલું મતદાન થયું? જાણો
