Dahej : સેપ્ટિક ટાંકીની સફાઈ કરતી વખતે 3 સફાઈ કામદારોના મોત
મંગળવારે ભરૂચ જિલ્લાના દહેજ શહેરમાં ગટર સાફ કરતી વખતે ત્રણ સફાઈ કામદારોના ગૂંગળામણના કારણે મૃત્યુ થયા હતા. પોલીસે જણાવ્યું હતું કે કામદારો સ્થાનિક પંચાયત ઓફિસની સેપ્ટિક ટાંકીની સફાઈ કરી રહ્યા હતા. પોલીસે મૃતકોની ઓળખ ગલસીનભાઈ મુનિયા (30), પરેશ કટારા (31) અને અનિલ પરમાર (24), દહેજના રહેવાસી તરીકે કરી છે.
પોલીસે જણાવ્યું કે ટાંકીની અંદર પહોંચતા જ કામદારો મદદ માટે બૂમો પાડવા લાગ્યા હતા. અન્ય લોકો તેમને ગટરમાંથી બહાર કાઢવામાં નિષ્ફળ જતાં બચાવ માટે ફાયર બ્રિગેડને બોલાવવામાં આવી હતી. પોલીસે જણાવ્યું હતું કે, હોસ્પિટલ લઈ જવામાં આવતાં કામદારોને મૃત જાહેર કરવામાં આવ્યા હતા. સ્થાનિકોના જણાવ્યા અનુસાર, કામદારોએ કોઈ સુરક્ષા સાધનો પહેર્યા ન હતા. છેલ્લા બે સપ્તાહમાં આ બીજી ઘટના છે. રાજકોટમાં, 23 માર્ચે, ભૂગર્ભ ગટરની સફાઈ કરતી વખતે એક સફાઈ કર્મચારી અને તેના કોન્ટ્રાક્ટરનું મૃત્યુ થયું હતું. આ ઘટના સીસીટીવીમાં કેદ થઈ હતી.
આ પણ વાંચો : Delhi : જહાંગીરપુરીમાં દિલ્હી પોલીસની ફ્લેગ માર્ચ, હનુમાન જયંતિ પર શોભાયાત્રા કાઢવાની પરવાનગી નકારી
16 માર્ચે, ગુજરાત સરકારે રાજ્ય વિધાનસભાને જાણ કરી હતી કે છેલ્લા બે વર્ષમાં રાજ્યના વિવિધ ભાગોમાં ગટરોની સફાઈ કરતી વખતે અગિયાર સફાઈ કામદારો ગૂંગળામણથી મૃત્યુ પામ્યા હતા.
