સિતરંગની અસર ધીમે ધીમે પશ્ચિમ બંગાળમાં જોવા મળી રહી છે. સિતરંગ વાવાઝોડાને ધ્યાનમાં રાખીને, હવામાન વિભાગે પશ્ચિમ બંગાળના ઉત્તર અને દક્ષિણ 24 પરગણા અને પૂર્વ મિદનાપુર જિલ્લામાં તોફાનની સંભવિત અસરની ચેતવણી જારી કરી છે જેના કારણે 24 અને 25 ઓક્ટોબર બન્ને દિવસ બંગાળની ખાડીમાં પ્રવૃત્તિઓ સ્થગિત કરી છે. ભારતીય હવામાન વિભાગે જણાવ્યું હતું કે 24 ઓક્ટોબરે ચક્રવાતી તોફાન ‘સિતરંગ’ ઉત્તરપૂર્વ તરફ આગળ વધવાની શક્યતા છે અને તે વધુ તીવ્ર બનીને ગંભીર ચક્રવાતી વાવાઝોડામાં ફેરવાઈ જશે. તેમજ 25 ઓક્ટોબરની સવારની આસપાસ ટિનાકોના ટાપુ અને બરીસાલ નજીક બાંગ્લાદેશના દરિયાકાંઠાને પાર કરે તેવી સંભાવના છે.
સિતારંગ ધીમે ધીમે ચક્રવાતનું સ્વરૂપ લઈ રહ્યું છે
રવિવારે કોલકાતા સહિત અનેક જિલ્લાઓમાં આકાશ વાદળછાયું રહ્યું હતું. પૂર્વ મેદિનીપુરમાં ઘણી જગ્યાએ હળવો વરસાદ પણ થયો હતો. સિતારંગ ધીમે ધીમે ચક્રવાતનું સ્વરૂપ લઈ રહ્યું છે. તે બંગાળના દરિયાકાંઠાના વિસ્તારોમાં ખાસ કરીને સુંદરવનમાં ભારે વિનાશ સર્જી શકે છે. તેની સાથે પૂર્વોત્તરમાં આસામ સહિત ઘણા રાજ્યોમાં તેની અસર જોવા મળી શકે છે. બંગાળ તેના જોખમને ધ્યાનમાં રાખીને પહેલેથી જ હાઈ એલર્ટ જારી કરાયુ છે. રાજ્યના સાત જિલ્લામાં રાહત અને બચાવ ટીમો તૈનાત કરવામાં આવી છે.
Cyclonic storm 'Sitrang' is about 520 km south of Sagar Island & 670 km south-southwest of Barisal (Bangladesh). To move north-northeastwards and intensify further into a severe cyclonic storm in the next 12 hrs. To cross the Bangladesh coast between Tinkona Island & Sandwip: IMD pic.twitter.com/0uiIhKcWaG
— ANI (@ANI) October 23, 2022
હવામાન વિભાગ પાસેથી પ્રાપ્ત માહિતી અનુસાર, લો પ્રેશર બંગાળની ખાડીની મધ્યમાં ચક્રવાતનું સ્વરૂપ લેશે અને પછી ઉત્તર-ઉત્તર-પૂર્વ દિશા તરફ આગળ વધશે. 25 ઓક્ટોબરની સવારે તે ટિંકોના ટાપુ અને સન ટાપુ થઈને બાંગ્લાદેશ તરફ જશે. તે બંગાળના દરિયાકાંઠાના જિલ્લાઓમાં તબાહી મચાવી શકે છે. 70 થી 80 કિલોમીટર પ્રતિ કલાકની ઝડપે ભારે વરસાદ અને પવન ફૂંકાઈ શકે છે. કોલકાતા અને આસપાસના જિલ્લાઓમાં હળવાથી મધ્યમ વરસાદ પડી શકે છે. રાજ્યના દરિયાકાંઠાના વિસ્તારોમાં ખાસ તકેદારી રાખવામાં આવી રહી છે.
બાંગ્લાદેશ તરફ વધ્યુ ચક્રવાત
બંગાળની ખાડી પરનું ડીપ પ્રેશર એરિયા રવિવારે સાંજે ચક્રવાતમાં પરિણમ્યું હતું. હવે તે બાંગ્લાદેશના દરિયાકાંઠા તરફ આગળ વધી રહ્યું છે. ભારત હવામાન વિભાગ (IMD) અનુસાર, થાઈલેન્ડે આ વર્તુળનું નામ ‘સિત્રાંગ’ રાખ્યું છે. ચક્રવાત મંગળવારે સવારે બાંગ્લાદેશના ટિંકોના ટાપુ અને સંદ્વીપ વચ્ચે લેન્ડફોલ કરે તેવી શક્યતા છે.
ઓડિશા-બંગાળમાં વરસાદની શક્યતા
વિભાગે કહ્યું કે રવિવારે સાંજે 5.30 કલાકે ચક્રવાત પશ્ચિમ બંગાળના સાગર દ્વીપથી 580 કિમી દક્ષિણે અને બાંગ્લાદેશના બરિસાલથી 740 કિમી દક્ષિણ-દક્ષિણ પશ્ચિમમાં હતું. ચક્રવાતની અસરને કારણે ઓડિશા અને પશ્ચિમ બંગાળના ભાગોમાં ભારે વરસાદ પડી શકે છે.
આ પણ વાંચો: જાણો વર્ષના અંતિમ સૂર્યગ્રહણના સૂતક કાળનો સમય અને તેની સાથે જોડાયેલી પૌરાણિક કથા
