સાઇબર રાવણઃ સાઇબર ક્રાઇમ અંગે જાગૃતિ લાવવા પોલીસની અનોખી પહેલ
- રાયપુર પોલીસ લોકોને જાગૃત કરવા અભિયાન ચલાવે છે. આ અભિયાનના ભાગ રૂપે એક અનોખી પહેલ કરવામાં આવી હતી. સાયબર રાવણના રૂપમાં સાયબર ફ્રોડનું પૂતળું બનાવવામાં આવ્યું હતું
દિવસે ને દિવસે સાઇબર ફ્રોડના કેસો વધી રહ્યા છે. મોટાભાગના કિસ્સાઓ લોકોમાં જાગૃતિના અભાવે જ બની રહ્યા છે. પોલીસ તરફથી વારંવાર સૂચનાઓ આપવા છતાં લોકો સાઇબર ક્રિમિનલને પોતાનો ઓટીપી શેર કરી દે છે. સાઇબર ક્રાઇમના કેસ પોલીસ ઉકેલી તો લે છે, પરંતુ અનેક કેસ વણઉકલ્યા પણ રહી જાય છે. તેમાં સરેરાશ નુકશાન લોકોનું જ થાય છે. દશેરા નિમિત્તે લોકોને સાઇબર ક્રાઇમ સામે જાગૃત કરવા અને સાઇબર ફ્રોડથી બચાવવા પોલીસે સાઇબર રાવણ બનાવીને અનોખી પહેલ કરી છે.
છત્તીસગઢમાં રાયપુર પોલીસ લોકોને જાગૃત કરવા અભિયાન ચલાવે છે. આ અભિયાનના ભાગ રૂપે એક અનોખી પહેલ કરવામાં આવી હતી. સાયબર રાવણના રૂપમાં સાયબર ફ્રોડનું પૂતળું બનાવવામાં આવ્યું હતું. તેમાં 10 પ્રકારની ઓનલાઈન છેતરપીંડી રાવણના 10 માથા દર્શાવીને દર્શાવવામાં આવી હતી.
#WATCH छत्तीसगढ़: रायपुर पुलिस ने साइबर धोखाधड़ी के संबंध में लोगों में जागरूकता पैदा करने के लिए साइबर रावण बनाया है। pic.twitter.com/EpSWMKo02g
— ANI_HindiNews (@AHindinews) October 23, 2023
સાયબર રાવણના પૂતળા અને તેના બેકગ્રાઉન્ડનો અવાજ સાંભળવા માટે લોકોની ભીડ જામી હતી. સાયબર રાવણના પૂતળાના નામે પોલીસ લોકોને સાયબર ક્રાઈમ, ઓનલાઈન ફ્રોડ વગેરે વિશે જાગૃત કરી રહી છે. સાર્વજનિક સ્થળે સાયબર રાવણનું પૂતળું જોઈને લોકોને ઓનલાઈન છેતરપિંડી વિશે જાણવાની તક મળી રહી છે. મરીન ડ્રાઈવ બાદ જયસ્તંભ ચોક ખાતે પણ આ પૂતળુ લગાવવામાં આવશે.
#WATCH साइबर रावण के माध्यम से हम लोगों को संदेश देना चाहते हैं कि साइबर ठगी से बचने के लिए साइबर जागरूकता ही सबसे बेहतर तरीका है इसलिए जागरूक हों और अपने आसपास के लोगों को भी जागरूक करें: एएसपी पीतांबर सिंह पटेल, रायपुर pic.twitter.com/gvNlRJgUXF
— ANI_HindiNews (@AHindinews) October 23, 2023
સાઇબર ક્રિમિનલ બન્યા સાઇબર રાવણ
દશેરાના દિવસે અનિષ્ટના પ્રતીક રાવણનું દહન થાય છે. આ દિવસે સામાન્ય લોકોને પણ નૈતિક રીતે મનની અંદરની ખરાબીને દૂર કરવાની અપીલ કરવામાં આવે છે. હાલમાં સાયબર ક્રિમિનલ પણ રાવણનું રૂપ ધારણ કરી ચૂક્યા છે. આ સાયબર રાવણ ત્યારે જ ખતમ થશે જ્યારે લોકોમાં સાયબર ક્રાઈમ અને છેતરપિંડી અંગેની તેમની અજ્ઞાનતા દૂર થશે. રાયપુર પોલીસ જાગૃત બનીને સાયબર રાવણ દ્વારા લોકોને આ જ સંદેશ આપી રહી છે.
દર વર્ષે સેંકડો ઓનલાઇન છેતરપિંડી
છત્તીસગઢના રાયપુર જિલ્લામાં જ દર વર્ષે ઓનલાઈન છેતરપિંડીની સેંકડો ઘટનાઓ બની રહી છે. આ આંકડા દર વર્ષે વધી રહ્યા છે. સાયબર છેતરપિંડી કરનારાઓ દર વખતે તેમની પેટર્ન બદલી નાખે છે અને ઘટનાને અંજામ આપે છે. ગયા વર્ષે 4 હજારથી વધુ ઓનલાઈન છેતરપિંડી થઈ હતી. જેમાં ગ્રામીણથી માંડીને ઉચ્ચ શિક્ષિત લોકો પણ સાયબર છેતરપિંડીનો શિકાર બન્યા હતા.
