ભારત માટે રાહતના સમાચાર, ક્રૂડ ઓઈલ પ્રતિ બેરલ 80 ડોલરની નીચે સરકી ગયું
ઈઝરાયેલ અને હમાસ વચ્ચેના યુદ્ધને એક મહિનો વીતી ગયો છે. આમ છતાં કાચા તેલની કિંમત બે મહિનાના સૌથી નીચલા સ્તરે પહોંચી ગઈ છે. આંતરરાષ્ટ્રીય બજારમાં ક્રૂડ ઓઈલ 80 ડોલર પ્રતિ બેરલની નીચે સરકી ગયું છે. ભારત સહિત તે તમામ દેશો જે ક્રૂડ ઓઈલના મોટા આયાતકાર છે તેમને કિંમતોમાં ઘટાડાથી સૌથી મોટી રાહત મળી છે.
વેસ્ટ ટેક્સાસ ઈન્ટરમીડિયેટ ક્રૂડ ઓઈલ (WTI ક્રૂડ ઓઈલ)ની કિંમત 2 ટકા ઘટીને બેરલ દીઠ 80 ડોલરની નીચે 79.20 ડોલર પ્રતિ બેરલ થઈ છે. બ્રેન્ટ ક્રૂડ ઓઈલના ભાવમાં પણ મોટો ઘટાડો થયો છે અને તે 2.04 ટકાના ઘટાડા સાથે પ્રતિ બેરલ 83.44 ડોલર પર ટ્રેડ થઈ રહ્યો છે.
ડિસેમ્બર 2023 સુધી ઉત્પાદન ઘટાડવાના સાઉદી અરેબિયાના નિર્ણય અને રશિયાના સપ્લાયમાં કાપ પછી, ક્રૂડ ઓઇલની કિંમત બેરલ દીઠ 97 ડોલર પર પહોંચી ગઈ છે. આ પછી, થોડી નરમાઈ આવી અને ઇઝરાયેલ અને હમાસ વચ્ચેના યુદ્ધને કારણે, કાચા તેલની કિંમતો ફરીથી વધવા લાગી. વૈશ્વિક રાજકીય તણાવ વધ્યા બાદ ક્રૂડ ઓઇલ ફરી બેરલ દીઠ 90 ડ઼ોલરને પાર કરી ગયું છે.
ક્રૂડ ઓઈલના ભાવમાં ઘટાડાથી RBIને મોટી રાહત મળશે. આરબીઆઈએ ઓક્ટોબરમાં રજૂ કરેલી નાણાકીય નીતિમાં કહ્યું હતું કે આગામી દિવસોમાં ફુગાવો અલ નીનોની સ્થિતિ, વૈશ્વિક ખાદ્યપદાર્થોની કિંમતો અને ઊર્જાની કિંમતો પર નિર્ભર રહેશે. આરબીઆઈના ગવર્નર શક્તિકાંત દાસે કહ્યું હતું કે ક્રૂડ ઓઈલના ભાવમાં વધઘટ બાહ્ય કારણોસર છે. આવી સ્થિતિમાં આ તમામ ડેટા પર ચાંપતી નજર રાખવાની જરૂર છે.
ક્રૂડ ઓઈલના ભાવમાં આ ઘટાડાથી સરકારી ઓઈલ કંપનીઓ રાહતનો શ્વાસ લેશે. ચાલુ નાણાકીય વર્ષના બીજા ત્રિમાસિક ગાળા દરમિયાન પેટ્રોલ અને ડીઝલના છૂટક વેચાણ પર આ કંપનીઓને થયેલું નુકસાન વધ્યું છે. ક્રૂડ ઓઈલના ભાવમાં ઘટાડો આયાત સસ્તી કરીને આ નુકસાનને દૂર કરવામાં મદદ કરશે. જેથી આગામી ચૂંટણીને ધ્યાનમાં રાખીને સરકાર દ્વારા ભાવ ઘટાડવાનો માર્ગ તૈયાર કરવામાં આવશે, જે અંગે સરકાર અત્યારથી જ સંકેત આપી રહી છે.
