CRPFના જવાનો લડશે પહાડી યુદ્ધ, હવે પહાડો પર આતંકવાદીઓને હરાવશે

• CRPF જવાનોને પર્વતીય યુદ્ધની તાલીમ આપવામાં આવશે
• આતંકવાદીઓની કાર્યશૈલીમાં મોટો બદલાવ આવ્યો છે
• CRPFએ માઓવાદી પ્રભાવિત વિસ્તારોમાં લગભગ 70 ટકા ઘટાડો કર્યો છે

નવી દિલ્હી: ભારત પર હુમલો કરવા માટે હંમેશા તાકી રહેલા આતંકવાદીઓને જડબાતોડ જવાબ આપવા માટે હવે દેશની સુરક્ષામાં મોટા ફેરફારોની તૈયારીઓ કરવામાં આવી રહી છે. છેલ્લા કેટલાક સમયથી આતંકવાદીઓની હુમલાની પદ્ધતિઓમાં બદલાવ જોયા બાદ CRPFએ હવે પર્વતીય યુદ્ધની તૈયારી કરવાની યોજના બનાવી છે. જમ્મુ-કાશ્મીરના શહેરી વિસ્તારોથી દૂર ઊંચા વિસ્તારોમાં આવેલા જંગલોમાં આતંકવાદી હુમલાઓ ઝડપથી વધી રહ્યા છે. આ કારણે CRPF જવાનોને આતંકવાદીઓ સાથે નવી રીતે સામનો કરવા માટે પર્વતીય યુદ્ધની તાલીમ આપવામાં આવશે.

CRPF જવાનોને પર્વતીય યુદ્ધની તાલીમ આપવામાં આવશે

તાજેતરમાં યોજાયેલી એક ઉચ્ચ સ્તરીય બેઠક દરમિયાન, CRPF સિવાય ITBP જેવા અન્ય દળોને પણ તેમાં સામેલ કરવાનું સૂચન કરવામાં આવ્યું હતું. એક અધિકારીએ જણાવ્યું હતું કે, ડાયરેક્ટર જનરલ ઈચ્છતા હતા કે અમે ઊંચાઈવાળા વિસ્તારોમાં ઓપરેશન કરવા માટે પર્વતીય બટાલિયનને વધારવા માટે કામ કરવું જોઈએ. શરૂઆત માટે હાલની બટાલિયનને પર્વત યુદ્ધની તાલીમ આપી શકાય છે.

CRPFની ઘણી મોટી જવાબદારીઓ છે

જમ્મુ-કાશ્મીરથી લઈને નક્સલ પ્રભાવિત વિસ્તારો સુધી સીઆરપીએફ ઘણા કાર્યોને સંભાળે છે જેમાં કેન્દ્રીય ગૃહ મંત્રી અમિત શાહ જેવા તમામ VVIPને સુરક્ષા કવચ આપવાનો પણ સમાવેશ થાય છે. કેન્દ્ર સરકાર ભવિષ્યમાં જમ્મુ અને કાશ્મીરમાંથી સૈન્યની સંખ્યા ઘટાડવાની અને સીઆરપીએફને વધુ કામ કરવાની યોજના ધરાવે છે. સીઆરપીએફએ નક્સલવાદીઓ સામે સફળતાપૂર્વક ઓપરેશન પાર પાડ્યા છે અને માઓવાદી પ્રભાવિત વિસ્તારોમાં લગભગ 70 ટકા ઘટાડો કર્યો છે.

આતંકવાદીઓની કાર્યશૈલીમાં મોટો બદલાવ આવ્યો છે

સૂત્રોના જણાવ્યા અનુસાર, જમ્મુ અને કાશ્મીર ઝોનના ADG નલિન પ્રભાતે જમ્મુ અને કાશ્મીરમાં વર્તમાન સુરક્ષા પરિદ્રશ્ય વિશે માહિતી આપતા જણાવ્યું કે, આતંકવાદીઓની કામ કરવાની રીતમાં બદલાવ આવ્યો છે. અન્ય એક અધિકારીએ કહ્યું હતું કે, આતંકવાદીઓ હવે શહેરી વિસ્તારો કરતાં જંગલ વિસ્તારોમાં વધુ સક્રિય છે.

પહાડી વિસ્તારોમાં સેનાને વધુ નુકસાન થાય છે

ટ્રેનિંગ પાછળનું કારણ એ છે કે પહાડી અને જંગલ વિસ્તારોમાં આતંકવાદી હુમલામાં સુરક્ષા દળોના વધુ જવાનોએ જીવ ગુમાવ્યો છે. જ્યારે ઘાટીમાં આતંકવાદી હુમલામાં ઘટાડો જોવા મળ્યો છે. પીર પંજાલ ક્ષેત્ર – પોંચ અને રાજૌરીમાં જાનહાનિ અને હુમલાઓમાં વધારો થયો છે. આ વિસ્તાર હાલમાં સુરક્ષા દળો અને ભારતીય સેના માટે મોટો પડકાર છે.

CRPF પહેલાથી જ જંગલ યુદ્ધમાં નિપુણ બની ગયું છે.

આ વિસ્તારમાં એક પછી એક હુમલામાં મોટી જાનહાનિ થઈ છે. જો CRPF પર્વતીય યુદ્ધમાં નિપુણતા પ્રાપ્ત કરે તો તે યોગ્ય રહેશે, કારણ કે તેઓ નક્સલવાદનો સામનો કરવા માટે પહેલાથી જ જંગલ યુદ્ધમાં પ્રશિક્ષિત છે. સૂત્રોએ એમ પણ કહ્યું હતું કે, જમ્મુ ક્ષેત્રના દરેક યુનિટમાં ફોર્સની એક યુનિટ ક્વિક એક્શન ટીમ (QAT) હોવી જોઈએ અને વધુ સારા પરિણામો માટે જમ્મુ અને કાશ્મીર પોલીસ અને આર્મી સાથે સંયુક્ત તાલીમ યોજવી જોઈએ.

આ પણ વાંચો, તેલંગાણા વિધાનસભા ચૂંટણી માટે કોંગ્રેસનો ઢંઢેરો જાહેર, આપ્યા 6 વચન