એલઓસી પર સરહદ પારથી ઘૂસણખોરી નિષ્ફળ, સુરક્ષા દળોએ ત્રણ આતંકવાદીઓને ઠાર કર્યા

પૂંચ, 31 જાન્યુઆરી : જમ્મુ-કાશ્મીરના પૂંચમાં સુરક્ષાદળો અને આતંકવાદીઓ વચ્ચે અથડામણ થઈ છે.  અથડામણમાં સુરક્ષા દળોએ ત્રણ આતંકવાદીઓને ઠાર કર્યા છે. કહેવામાં આવી રહ્યું છે કે ગઈકાલે એટલે કે ગુરુવારે સાંજે આતંકવાદીઓનું એક જૂથ એલઓસી પાર કરીને ભારતીય વિસ્તારમાં ઘૂસવાનો પ્રયાસ કરી રહ્યો હતો. પરંતુ સુરક્ષા દળોએ સરહદ પારથી આ ઘૂસણખોરીને નિષ્ફળ બનાવી અને ત્રણેય આતંકવાદીઓને ઠાર કર્યા હતા.

પૂંચમાં એલઓસી પર ખડમાલ વિસ્તારમાં તૈનાત સેનાના જવાનોએ થોડી હિલચાલ જોઈ. ઘૂસણખોરીની સંભાવનાને જોતા, સૈનિકોએ નજીકની સુરક્ષા ચોકીઓને એલર્ટ કરી અને આતંકવાદીઓને જોતાની સાથે જ તેમના પર ગોળીબાર કરવામાં આવ્યો હતો. સૂત્રોના જણાવ્યા અનુસાર, સુરક્ષા દળોએ આ અથડામણમાં અત્યાર સુધીમાં ત્રણ આતંકવાદીઓને ઠાર કર્યા છે અને વિસ્તારમાં હજુ પણ મોટા પાયે સર્ચ ઓપરેશન ચાલી રહ્યું છે.

જમ્મુ-કાશ્મીરના કઠુઆમાં ફાયરિંગ

આ પહેલા 24 જાન્યુઆરીની રાત્રે કઠુઆમાં ગોળીબાર થયો હતો. કેટલાક આતંકવાદીઓ છુપાયા હોવાની આશંકા બાદ મધરાતે મોટા પાયે સર્ચ ઓપરેશન શરૂ કરવામાં આવ્યું હતું.  સૈનિકોને રાત્રે લગભગ 1:30 વાગ્યે શંકાસ્પદ આતંકવાદીઓની ગતિવિધિઓનો અહેસાસ થયો હતો.

આ પછી સેનાએ ફાયરિંગ શરૂ કરી દીધું હતી. લગભગ અડધા કલાક સુધી બંને તરફથી ગોળીબાર થયો હતો.  જો કે આ ફાયરિંગમાં કોઈ જાનહાનિ થઈ હોવાની માહિતી મળી નથી. અધિકારીઓએ જણાવ્યું કે ત્રણ આતંકવાદીઓ હતા, જેઓ કાર્યવાહી બાદ નજીકના જંગલ તરફ ભાગી ગયા હતા.

જેકેમાં લગભગ 25 સ્થળો પર દરોડા

તાજેતરમાં જ જમ્મુ-કાશ્મીરમાં પોલીસ અને સેનાએ સંયુક્ત રીતે સક્રિય આતંકવાદીઓ અને તેમના પરિવારોના લગભગ 25 ઠેકાણાઓ પર દરોડા પાડ્યા છે. આ દરમિયાન ટીમે ઘણા મહત્વપૂર્ણ દસ્તાવેજો અને વાંધાજનક સામગ્રી પણ જપ્ત કરી હતી. NIA કોર્ટમાંથી મળેલા વોરંટના આધારે આ કાર્યવાહી કરવામાં આવી છે. રાજૌરી, નૌશેરા, થાણા મંડી, ધાર હાલ, કોત્રંકા, બુધલ, માંજાકોટ અને છિંગાસ સહિત વિવિધ વિસ્તારોમાં સર્ચ ઓપરેશન હાથ ધરવામાં આવ્યું હતું.

આ પણ વાંચો :- બજેટમાં રાહત મળે કે ન મળે પણ 1 ફેબ્રુઆરી એટલે કે કાલથી થશે આ મહત્વપૂર્ણ ફેરફાર