2036માં ઓલિમ્પિકની યજમાની કરવા કરોડો ભારતીયો ઉત્સુક: PM મોદી
- 141મા ઓલિમ્પિક સમિતિના સત્રમાં PM મોદીની ઘોષણા
- ઓલિમ્પિકનું આયોજન કરોડો ભારતીયોનું સપનું: મોદી
- ભારત કોઈ કસર છોડશે નહીંઃ મોદી
ભારત વર્ષ 2036માં ઓલિમ્પિક ગેમ્સનું આયોજન કરી શકે છે. ખુદ વડાપ્રધાન નરેન્દ્ર મોદીએ આ વાતની પુષ્ટિ કરી છે. PM શનિવારે મુંબઈમાં 141મા ઓલિમ્પિક સમિતિના સત્રને સંબોધિત કરી રહ્યા હતા. આ દરમિયાન તેમણે એક મોટી જાહેરાત કરી અને કહ્યું કે ભારત 2036 ઓલિમ્પિકની યજમાની કરવા માટે કોઈ કસર બાકી રાખશે નહીં. વિશ્વની સૌથી મોટી રમતોત્સવને દેશમાં લાવવાનો ભારતનો આ પ્રયાસ છે.
140 करोड़ देशवासियों का सपना है कि 2036 में भारत की धरती पर ओलंपिक का सफल और शानदार आयोजन हो। इसके लिए हम अपने प्रयासों में कोई कोर-कसर नहीं रखेंगे। pic.twitter.com/bUBlVp4tvP
— Narendra Modi (@narendramodi) October 14, 2023
2036 ઓલિમ્પિક ભારતમાં યોજાશે
મુંબઈમાં પોતાના સંબોધન દરમિયાન પીએમએ ભારતમાં ઓલિમ્પિક ગેમ્સના આયોજનને લઈને ઘણી મોટી વાતો કહી. PM મોદીએ કહ્યું કે ભારતીયો ઓલિમ્પિક ગેમ્સની યજમાની કરવા માટે ખૂબ જ ઉત્સાહિત છે. આ 140 કરોડ ભારતીયોનું વર્ષો જૂનું સ્વપ્ન અને તેમની આકાંક્ષા છે. તેઓએ વધુમાં કહ્યું કે અમે તમારા સહકાર અને સમર્થનથી આ સ્વપ્નને સાકાર કરવા માંગીએ છીએ. મને વિશ્વાસ છે કે ભારતને IOCનું સમર્થન મળશે. ભારતમાં રમતગમતની પરંપરાનો ઉલ્લેખ કરતા પીએમએ કહ્યું કે તે સિંધુ ખીણની સંસ્કૃતિના સમયથી ચાલી આવે છે. ભારતીય માત્ર રમતપ્રેમી જ નથી, પરંતુ અમે તેમને જીવીએ છીએ અને દેશ 2029માં યુથ ઓલિમ્પિકની યજમાની કરવા માટે પણ ઉત્સુક છે.
વડાપ્રધાને કહ્યું કે ભારત પાસે વૈશ્વિક કાર્યક્રમોનું આયોજન કરવા માટે ઈન્ફ્રાસ્ટ્રક્ચર, લોજિસ્ટિક્સ અને જરૂરી સંગઠનાત્મક ક્ષમતા છે. તેમણે G20 સમિટ અને ભારતના પ્રમુખપદનું ઉદાહરણ ટાંકીને કહ્યું કે દેશના 60થી વધુ શહેરોમાં કાર્યક્રમો યોજાયા હતા. તેમણે કહ્યું કે આ દરેક ક્ષેત્રમાં ભારતની આયોજન ક્ષમતાનો પુરાવો છે.
એશિયન ગેમ્સમાં ભારતના શાનદાર પ્રદર્શનનો ઉલ્લેખ કર્યો
પીએમ મોદીએ તાજેતરમાં ચીનમાં યોજાયેલી એશિયન ગેમ્સમાં ભારતના શાનદાર પ્રદર્શનનો પણ ઉલ્લેખ કર્યો હતો. તેમણે કહ્યું કે ઓલિમ્પિક્સ અને રમતગમતની અગાઉની આવૃત્તિને પ્રોત્સાહન આપવા માટે સરકાર દ્વારા શરૂ કરવામાં આવેલી “ખેલો ઈન્ડિયા” પહેલ પણ ખૂબ જ ઉપયોગી થઈ રહી છે. આ જ કારણ હતું કે એશિયાડમાં ભારતે ઐતિહાસિક પ્રદર્શન કર્યું હતું. મોદીએ તાજેતરમાં યોજાયેલી ચેસ ઓલિમ્પિયાડ જેવી વૈશ્વિક ટૂર્નામેન્ટનો ઉલ્લેખ કર્યો, જેમાં 186 દેશોએ ભાગ લીધો હતો.
આ પણ વાંચો: એશિયન ગેમ્સ 2023: ભારતે અત્યારસુધી 107 મેડલ જીત્યા
