COWIN પર બુક કરી શકાય Covovax ડોઝ, “તમામ વેરિએન્ટ સામે અસરકારક”
દેશના ઘણા રાજ્યોમાં કોરોનાના વધતા જતા કેસોની વચ્ચે, કેન્દ્ર સરકારે કોવિન પોર્ટલમાં સીરમ ઈન્સ્ટિટ્યૂટની કોવેક્સ રસીને પુખ્ત વયના લોકો માટે હેટરોલોગસ બૂસ્ટર ડોઝ તરીકે સામેલ કરવાની મંજૂરી આપી છે. SERUMના CEO અદાર પૂનાવાલાએ જણાવ્યું કે Covax હવે COWIN પોર્ટલ પર ઉપલબ્ધ છે.
As COVID cases have been rising again with Omicron XBB & its variants, it can be severe for the elderly. I’d suggest for the elderly, mask up & take the Covovax booster which is now available on the COWIN app. It is excellent against all variants & is approved in the US & Europe. pic.twitter.com/H8lmIzStUa
— Adar Poonawalla (@adarpoonawalla) April 11, 2023
અદાર પૂનાવાલાએ ટ્વિટ કર્યું કે-ઓમિક્રોન XBB અને તેના પ્રકારો સાથે કોવિડના કેસ ફરી વધી રહ્યા છે, તે વૃદ્ધો માટે ગંભીર હોઈ શકે છે. હું વૃદ્ધો માટે સૂચન કરીશ કે માસ્ક પહેરો અને Covax બૂસ્ટર લો જે હવે Covin એપ પર ઉપલબ્ધ છે. તે તમામ પ્રકારો સામે અસરકારક છે અને અમેરિકા અને યુરોપમાં માન્ય છે.
Covaxનો કેટલો ખર્ચ થશે?
Covaxની કિંમત રૂ. 225 પ્રતિ ડોઝ હશે. આ સિવાય કિંમત પર GST લાગુ થશે. હેટરોલોગસ બૂસ્ટરનો અર્થ એ છે કે જો કોઈ વ્યક્તિએ અગાઉ રસી લીધી હોય, તો તેને બૂસ્ટર ડોઝ તરીકે બીજી કંપની દ્વારા રસી અપાવી શકાય છે.
ક્યારે મળી મંજૂરી ?
સીરમ ઈન્સ્ટિટ્યૂટ ઓફ ઈન્ડિયાના ડાયરેક્ટર પ્રકાશ કુમાર સિંહે 27 માર્ચે કેન્દ્રીય સ્વાસ્થ્ય મંત્રાલયને એક પત્ર લખ્યો હતો, ત્યારબાદ સોમવારે કોવિન પોર્ટલ માટે તેને મંજૂરી આપવામાં આવી હતી. ડ્રગ્સ કંટ્રોલર જનરલ ઓફ ઈન્ડિયાએ 16 જાન્યુઆરીએ કોવિશિલ્ડ અથવા કોવેક્સિનના બે ડોઝ લીધા હોય તેવા લોકો માટે Covax રસીના બજાર અધિકૃતતાને મંજૂરી આપી હતી. આ રસીને પહેલાથી જ WHO અને USFDA વગેરેની મંજૂરી મળી ગઈ છે.
