COVID-19 : 24 કલાકમાં કોરોનાના નવા કેસોમાં 38 ટકાનો થયો વધારો

• 24 કલાકમાં દેશમાં કોરોનાના 10542 નવા કેસ નોંધાયા
• ગઈકાલ કરતા 38 ટકા વધુ કેસ નોંધાયા
• દેશમાં 63 હજાર 562 કોરોના એક્ટિવ કેસ

દેશમાં ફરીથી કોરોના સંક્રમિત દર્દીઓની સંખ્યા વધવા લાગી છે. છેલ્લા 24 કલાકમાં દેશમાં કોરોના વાયરસ સંક્રમણના 10542 નવા કેસ નોંધાયા છે. આ નવા કેસ ગઈકાલ કરતા 38 ટકા વધુ છે. તે જ સમયે, સક્રિય દર્દીઓની સંખ્યા વધીને 63,562 થઈ ગઈ છે.

દેશમાં કોરોનાના કેસમાં વધારો

દેશમાં કોરોના વાયરસનો કહેર અટકવાનું નામ નથી લઈ રહ્યો. નવા કેસ સતત વધી રહ્યા છે. છેલ્લા 24 કલાકમાં દેશમાં કોરોના સંક્રમણના 10542 નવા કેસ નોંધાયા છે. આ નવા કેસ ગઈકાલ કરતા 38 ટકા વધુ છે. બીજી તરફ ગઈકાલે એટલે કે મંગળવારે 7,633 નવા કેસ નોંધાયા હતા. બીજી તરફ સોમવારે 9,111 નવા કેસ નોંધાયા હતા. આ સાથે, સક્રિય કેસોની સંખ્યા વધીને 63,562 થઈ ગઈ છે. છેલ્લા 24 કલાકમાં કોરોના સંક્રમણને કારણે 38 લોકોના મોત થયા છે.તેમજ 531190 સંક્રમિત દર્દીઓના મોત થયા છે.

જાણો ક્યા રાજ્યમાં સૌથી વધુ કેસ નોંધાયા

કેરળ, દિલ્હી, મહારાષ્ટ્ર દેશમાં સૌથી વધુ કોરોના સંક્રમિત રાજ્યો છે. છેલ્લા 24 કલાકમાં કેરળમાં કોરોનાના 1528 નવા કેસ નોંધાયા છે. દેશની રાષ્ટ્રીય રાજધાની દિલ્હીમાં 1017 કેસ નોંધાયા છે. એ જ રીતે મહારાષ્ટ્રમાં 505 નવા કેસ મળી આવ્યા છે. કર્ણાટકમાં 358 નવા કેસ નોંધાયા છે. આ સાથે, તામિલનાડુમાં કોરોનાના 521, યુપીમાં 446 કેસ નોંધાયા છે. છેલ્લા 24 કલાકમાં દેશમાં 8,175 કોરોના સંક્રમિત દર્દીઓ સાજા થયા છે. છેલ્લા 24 કલાકમાં કોરોનાના 487 ડોઝ આપવામાં આવ્યા છે. તે જ સમયે, 2,40,014 પરીક્ષણો કરવામાં આવ્યા છે.

કુલ 220.66 કરોડ રસીના ડોઝ અપાયા

ભારતમાં રિકવરી રેટ 98.67 ટકા છે.અત્યાર સુધીમાં 44250649 સંક્રમિત દર્દીઓ સાજા થયા છે. દેશભરમાં અત્યાર સુધીમાં કુલ 220.66 કરોડ રસીના ડોઝ આપવામાં આવ્યા છે.

આ પણ વાંચો : મેટ્રો મુસાફરો આનંદો ! મેટ્રો રેલના સમય અને ફ્રિકવન્સીમાં મોટો ફેરફાર