દિલ્હી લિકર પોલિસી કેસમાં સિસોદિયાની જામીન અરજી પર 21 માર્ચે સુનાવણી થશે. સાથે જ કોર્ટે રિમાન્ડ અંગેનો નિર્ણય અનામત રાખ્યો છે. તમને જણાવી દઈએ કે સિસોદિયાને મની લોન્ડરિંગ કેસમાં ગુરુવારે સાંજે ED દ્વારા ધરપકડ કરવામાં આવી હતી. EDએ કહ્યું કે અમે આ કેસમાં અત્યાર સુધીમાં 7 લોકોને નોટિસ મોકલી છે જેથી સિસોદિયાની સામે બેસીને તેમની પૂછપરછ કરી શકાય.
Delhi court reserves order on ED plea seeking Sisodia's custody
Read @ANI Story | https://t.co/9M8dA1Pzyn#ManishSisodia #ED #ExcisePolicy pic.twitter.com/lH8TIeLUI4
— ANI Digital (@ani_digital) March 10, 2023
સિસોદિયાના વકીલે આ દલીલો કરી હતી
- કોર્ટમાં સિસોદિયાના વકીલ દયાન ક્રિશ્નને કહ્યું કે ED કહી રહી છે કે આ નીતિ ખોટી છે. આ નીતિ ચૂંટાયેલી સરકાર દ્વારા બનાવવામાં આવી છે. તે અનેક સ્તરોમાંથી પસાર થાય છે.
- સિસોદિયાના વકીલે કહ્યું કે ED ઉતાવળની વાત કરી રહી છે. હું ઉતાવળના આવા ઘણા ઉદાહરણો આપી શકું છું. તેમણે કહ્યું કે નોટબંધી પણ ઉતાવળમાં કરવામાં આવી હતી અને સુપ્રીમ કોર્ટે પણ તેને બંધારણીય ગણાવ્યું હતું.
- શુક્રવારે સવારે કોર્ટે સિસોદિયાને બપોરે 2 વાગ્યા સુધી હાજર કરવાનો આદેશ આપ્યો હતો. 3 દિવસની પૂછપરછ બાદ EDએ 9મી માર્ચે મોડી સાંજે સિસોદિયાની ધરપકડ કરી હતી. આ પછી, તપાસ એજન્સીએ કોર્ટ પાસે તેની 10 દિવસની કસ્ટડી માંગી છે.
આ પણ વાંચો : રાઉઝ એવન્યુ કોર્ટમાં સુનાવણી ચાલુ, EDએ કહ્યું કે સાઉથ લોબીએ AAP નેતાઓને 100 કરોડની લાંચ આપી
અગાઉ CBIએ 26 ફેબ્રુઆરીએ તેમની ધરપકડ કરી હતી. આ કેસમાં મનીષની જામીન અરજીની સુનાવણી રાઉઝ એવન્યુ કોર્ટમાં બપોરે 2.30 વાગ્યે કરી હતી. સીબીઆઈના 7 દિવસના રિમાન્ડ બાદ 6 માર્ચે કોર્ટે સિસોદિયાને 20 માર્ચ સુધી ન્યાયિક કસ્ટડીમાં તિહાર જેલમાં મોકલી દીધા હતા.
