મનીષ સિસોદિયાને કોર્ટે ફરીથી આપ્યો ફટકો, ન્યાયિક કસ્ટડી 26 જુલાઈ સુધી લંબાવી
- દિલ્હીની રાઉઝ એવન્યુ કોર્ટમાં આજે દારૂ નીતિ કૌભાંડ કેસમાં સુનાવણી હાથ ધરવામાં આવી
- દિલ્હીના પૂર્વ ડેપ્યુટી સીએમ મનીષ સિસોદિયા વીડિયો કોન્ફરન્સિંગ દ્વારા કોર્ટની આ સુનાવણીમાં જોડાયા
દિલ્હી, 22 જુલાઈ: દિલ્હી દારૂ કૌભાંડ કેસમાં પૂર્વ ડેપ્યુટી સીએમ મનીષ સિસોદિયાને ફરી એકવાર કોર્ટે ફટકો આપ્યો છે. કોર્ટે દારુ કૌભાંડ કેસમાં સિસોદિયાને રાહત નથી આપી. દિલ્હી દારૂ કૌભાંડ સંબંધિત CBI કેસમાં રૂઝ એવન્યુ કોર્ટમાંથી પૂર્વ ડેપ્યુટી સીએમ મનીષ સિસોદિયાની ન્યાયિક કસ્ટડી 26 જુલાઈ સુધી લંબાવવામાં આવી છે. મનીષ સિસોદિયાને સોમવારે વીડિયો કોન્ફરન્સિંગ દ્વારા કોર્ટમાં રજૂ કરવામાં આવ્યા હતા.
કવિતાની ન્યાયિક કસ્ટડી પણ 26 જુલાઈ સુધી લંબાવવામાં આવી
દિલ્હી દારૂ કૌભાંડ સંબંધિત CBI કેસમાં BRS નેતા કે. રાઉઝ એવન્યુ કોર્ટે કવિતા વિરુદ્ધ દાખલ કરાયેલી ચાર્જશીટ પર સંજ્ઞાન લીધું છે. રાઉસ એવન્યુ કોર્ટ કે. કવિતાને 26 જુલાઈએ બપોરે 2 વાગ્યે વીડિયો કોન્ફરન્સિંગ દ્વારા કોર્ટમાં હાજર થવા માટે કહેવામાં આવ્યું છે. દારૂ કૌભાંડ સંબંધિત CBI કેસમાં કોર્ટે કવિતાની ન્યાયિક કસ્ટડી 26 જુલાઈ સુધી લંબાવી છે.
ગયા વર્ષે 26 ફેબ્રુઆરીએ સિસોદિયાની કરવામાં આવી હતી ધરપકડ
આમ આદમી પાર્ટીના નેતા મનીષ સિસોદિયાની દિલ્હી એક્સાઈઝ પોલિસી 2021-2022 સંબંધિત કથિત ભ્રષ્ટાચારના આરોપમાં 26 ફેબ્રુઆરી, 2023ના રોજ સેન્ટ્રલ બ્યુરો ઑફ ઈન્વેસ્ટિગેશન (CBI) દ્વારા ધરપકડ કરવામાં આવી હતી. આ પછી સિસોદિયાએ પોતાના મંત્રી પદ પરથી રાજીનામું આપી દીધું હતું.
CBI બાદ EDએ પણ પૂર્વ ડેપ્યુટી સીએમની કરી હતી ધરપકડ
માત્ર એક અઠવાડિયા પછી, એન્ફોર્સમેન્ટ ડિરેક્ટોરેટ (ED) એ પણ CBI દ્વારા દાખલ કરવામાં આવેલી FIRના આધારે ચાર્જશીટ દાખલ કરી અને સિસોદિયાની ધરપકડ કરી. ત્યારથી આ મામલે સતત સુનાવણી થઈ રહી છે. આ દરમિયાન મનીષ સિસોદિયાની તબિયત ઘણી વખત બગડતી હતી અને તેમણે તેમના પરિવારને મળવાની પણ માંગ કરી હતી. કોર્ટે પણ તેમની માંગણી સ્વીકારી હતી.
આ પણ વાંચો: બિહારને નહીં મળે વિશેષ રાજ્યનો દરજ્જો, જાણો કેમ?
