દેશના નાણા મંત્રાલય પાસે ચૂંટણી કરાવવા માટે પૈસા જ નથી : પાક. સંરક્ષણ પ્રધાન ખ્વાજા આસિફ

પાકિસ્તાનના સંરક્ષણ પ્રધાન ખ્વાજા આસિફનું કહેવું છે કે દેશના નાણા મંત્રાલય પાસે ચૂંટણી કરાવવા માટે પૈસા નથી. પાકિસ્તાની મીડિયા અનુસાર, ખ્વાજા આસિફે આંતરરાષ્ટ્રીય મીડિયાને સંયુક્ત પ્રેસ કોન્ફરન્સ દરમિયાન આ વાત કહી હતી. ખ્વાજા આસિફનું આ નિવેદન પાકિસ્તાનના ચૂંટણી પંચના એ નિર્ણય બાદ આવ્યું છે, જેમાં ચૂંટણી પંચે પાકિસ્તાની પંજાબમાં યોજાનારી પ્રાંતીય ચૂંટણીને સ્થગિત કરવાનો આદેશ આપ્યો છે. દેશમાં કાયદો અને વ્યવસ્થાની ખરાબ સ્થિતિને ટાંકીને ચૂંટણી પંચે આ પગલું ભર્યું છે. જેનો ઈમરાન ખાનની પાર્ટી દ્વારા વિરોધ કરવામાં આવી રહ્યો છે.

પાકિસ્તાની રક્ષા મંત્રીના નિવેદનનો અર્થ શું ?

પાકિસ્તાનની તહરીક-એ-ઈન્સાફ પાર્ટીની તત્કાલીન સરકારોએ 14 અને 18 જાન્યુઆરીએ ખૈબર પખ્તુનખ્વા પ્રાંતની વિધાનસભાઓ ભંગ કરી દીધી હતી. આ પછી 1 માર્ચે પાકિસ્તાનની સુપ્રીમ કોર્ટે વિધાનસભા ભંગ થયાના 90 દિવસની અંદર બંને રાજ્યોમાં ચૂંટણી કરાવવાનો આદેશ આપ્યો હતો. આ અંતર્ગત પંજાબમાં એપ્રિલમાં અને ખૈબર પખ્તુનખ્વામાં મે મહિનામાં ચૂંટણી યોજાવાની હતી, પરંતુ હવે ચૂંટણી પંચે ચૂંટણીને ઓક્ટોબર સુધી સ્થગિત કરી દીધી છે. આના પર ખ્વાજા આસિફનું નિવેદન કે ચૂંટણી કરાવવા માટે પૈસા નથી, તે સ્પષ્ટ સંકેત આપે છે કે પાકિસ્તાનની PMLN સરકાર અત્યારે ચૂંટણી કરાવવા માંગતી નથી અને તેને ઈમરાન ખાન માટે મોટો ફટકો માનવામાં આવી રહ્યો છે.

ઈમરાન ખાન પર ગંભીર આરોપો

ખ્વાજા આસિફે પ્રેસ કોન્ફરન્સ દરમિયાન પીટીઆઈ ચીફ ઈમરાન ખાન પર ગંભીર આરોપ લગાવ્યા હતા. તેમણે કહ્યું કે ઇમરાને ભૂતપૂર્વ આર્મી ચીફ કમર જાવેદ બાજવાનો કાર્યકાળ લંબાવ્યો અને બાદમાં બાજવા પર આરોપ લગાવ્યો કે તેઓ સત્તામાંથી બહાર થયા પછી તેમને સત્તામાંથી બહાર કરી દીધા હતા. ખ્વાજા આસિફે એમ પણ કહ્યું હતું કે પીટીઆઈ સરકારો દ્વારા પ્રાંતીય એસેમ્બલીનું વિસર્જન ગેરબંધારણીય હતું પરંતુ બંધારણીય રીતે તેમને સત્તામાંથી ફેંકી દેવામાં આવ્યા હતા અને તેમણે વિશ્વાસ મત ગુમાવ્યો હતો અને હવે તેઓ કોર્ટમાં હાજર પણ નથી થઈ રહ્યા હતા. ખ્વાજા આસિફે એવો પણ આક્ષેપ કર્યો હતો કે ઈમરાન ખાને સરકારમાં PMLN નેતાઓને જેલમાં ધકેલી દીધા હતા. જણાવી દઈએ કે હવે ઈમરાન ખાન આરોપ લગાવી રહ્યા છે કે પીએમએલએન સરકારમાં પીટીઆઈ કાર્યકર્તાઓને નિશાન બનાવીને જેલમાં ધકેલી દેવામાં આવી રહ્યા છે.