શેન વોર્નના મૃત્યુ માટે કોરોનાની વેક્સિન જવાબદાર!
વિશ્વના દિગ્ગજ લેગ સ્પિનર એવા ઓસ્ટ્રેલિયન ક્રિકેટર શેન વોર્નના આકસ્મિક મૃત્યુના સમાચારે સૌને ચોંકાવી દીધા હતા. વોર્નના નિધન અંગે હજુ પણ ચર્ચા ચાલી રહી છે. મહત્વનું છે કે વોર્નનું મૃત્યુ માર્ચ 2022માં થયું હતું. તે પોતાની રજાઓ ગાળવા થાઈલેન્ડ ગયા હતા. ત્યાં તેમનું હૃદયરોગના હુમલાથી મૃત્યુ થયું હતું. જોકે, હવે તેમના મૃત્યુ અંગે એક રિપોર્ટ સામે આવી રહ્યો છે, જે મુજબ શેન વોર્નનું મોત કોરોના વેક્સિનના કારણે થયું હતું!
શેન વોર્નના મૃત્યુને લઈને એક રિપોર્ટ સામે આવ્યો છે, જેમાં ડોક્ટર્સે દાવો કર્યો છે કે શેન વોર્નનું મોત કોરોના વેક્સિનથી થયું હોઈ શકે છે. રિપોર્ટમાં જણાવવામાં આવ્યું હતું કે વોર્ને જે રસી કોરોનાથી બચવા માટે લગાવી હતી. તેનાથી હૃદય સંબંધિત બીમારીઓ વધે છે. ઉલ્લેખનીય છે કે વોર્નનું મૃત્યુ પણ હાર્ટ એટેકને કારણે થયું હતું. શેન વોર્ને મૃત્યુના 9 મહિના પહેલા જ કોરોનાની રસી લીધી હતી.
શેન વોર્ને કોરોનાથી બચવા માટે કોવિડ mRNA રસી લીધી હતી. રિપોર્ટ અનુસાર, આ એક એવી રસી છે જે હૃદય સંબંધિત બીમારીઓને વધારે છે. ઓસ્ટ્રેલિયન ડોકટરો અને બ્રિટિશ હૃદયરોગના નિષ્ણાતોનું માનવું છે કે ભૂતપૂર્વ ઓસ્ટ્રેલિયન દિગ્ગજના મૃત્યુનું કારણ કોરોના વેક્સિન હોઈ શકે છે.
આટલું જ નહીં પરંતુ કાર્ડિયોલોજિસ્ટ ડૉ. ક્રિસ નીલ અને ડૉ. અસીમ મલ્હોત્રાનું માનવું છે કે વોર્ને જે કોરોના રસી લગાવી હતી તે ઝડપથી કોરોનરી રોગ ફેલાવી શકે છે.
આ પણ વાંચો: બોલિવૂડ સ્ટાર એક્ટર સંજય દત્તે પણ ક્રિકેટમાં હાથ અજમાવ્યો; જાણો કઇ ટીમનો ખરીદ્યો હિસ્સો
