ભારતમાં કોરોનાના નવા કેસનો ગ્રાફ દરરોજ બદલાઈ રહ્યો છે. પહેલા બે દિવસ કેસમાં વધારો જોવા મળ્યો હતો, ત્યારબાદ શુક્રવારે સાત ટકાનો ઘટાડો નોંધાયો હતો. આજે ફરી કોરોનાના નવા કેસમાં વધારો નોંધાયો છે. કેન્દ્રીય સ્વાસ્થ્ય મંત્રાલયના ડેટા અનુસાર, શનિવારે 12,193 નવા કેસ નોંધાયા છે. જ્યારે શુક્રવારે આ સંખ્યા 11,692 હતી. સક્રિય દર્દીઓની સંખ્યા પણ સતત વધી રહી છે. કેન્દ્રીય સ્વાસ્થ્ય મંત્રાલયના આંકડા દર્શાવે છે કે શનિવાર સવાર સુધી દેશમાં કોરોનાના સક્રિય કેસ 67 હજાર 556 પર પહોંચી ગયા છે. એટલે કે, સંક્રમિત થયા પછી, ઘણા લોકો કાં તો હોસ્પિટલમાં દાખલ છે અથવા ઘરે તેમની સારવાર કરાવી રહ્યા છે.
આ પણ વાંચો : Google : CEO સુંદર પિચાઈએ છટણી વચ્ચે કરી મોટી કમાણી, જાણો તેમને ગયા વર્ષે કેટલો પગાર મળ્યો
સરકારી ડેટામાં કહેવામાં આવ્યું છે કે 24 કલાકમાં 12,193 નવા કેસ નોંધાયા છે, ત્યારબાદ કોરોના કેસની સંખ્યા 4,48,81,877 કરોડ નોંધાઈ છે. ડેટા મુજબ, શનિવારે 42 લોકોના મોત થયા હતા. જેના કારણે મૃત્યુઆંક વધીને 5,31,300 થઈ ગયો છે. કોરોના કેરળને સૌથી વધુ અસર કરી રહ્યો છે. કેરળમાં દસ લોકોના મોત થયા છે. રોગચાળામાંથી સાજા થનારા લોકોની સંખ્યામાં પણ વધારો થયો છે. 4,42,83,0216 લોકોએ કોરોના મહામારી સામેની લડાઈ જીતી છે. જ્યારે મૃત્યુ દર 1.18 ટકા હતો, જ્યારે રિકવરી રેટ 98.66 ટકા નોંધાયો હતો. કેન્દ્રીય સ્વાસ્થ્ય મંત્રાલયના જણાવ્યા અનુસાર, દેશવ્યાપી રસીકરણ અભિયાન હેઠળ દેશમાં અત્યાર સુધીમાં કોવિડ રસીના 220.66 કરોડ ડોઝ આપવામાં આવ્યા છે.
