દેશમાં ઝડપથી વધી રહ્યા છે કોરોનાના કેસઃ 24 કલાકમાં નવા 2,483 કેસ નોંધાયા

ભારતમાં કોવિડ-19ના કેસ ફરી એકવાર ઝડપથી વધી રહ્યા છે, છેલ્લા 24 કલાકમાં નવા કેસોમાં પણ વધારો નોંધાયો છે. લાંબા સમય પછી ફરી એકવાર સક્રિય કેસોની સંખ્યામાં પણ વધારો નોંધાયો છે. હવે આ આંકડો 15,636 પર પહોંચી ગયો છે. દિલ્હીમાં પણ ફરી એકવાર કોરોનાના દર્દીઓ વધી રહ્યા છે. છેલ્લા 24 કલાકમાં દિલ્હીમાં 1,011 નવા કેસ નોંધાયા છે, જેના કારણે સક્રિય કેસોની સંખ્યા વધીને 4,168 થઈ ગઈ છે.

કેન્દ્રીય સ્વાસ્થ્ય અને પરિવાર કલ્યાણ મંત્રાલય દ્વારા આજે એટલે કે 26 એપ્રિલ 2022ના રોજ સવારે 8 વાગ્યે જાહેર કરવામાં આવેલા આંકડા મુજબ દેશમાં છેલ્લા 24 કલાક દરમિયાન 2,483 કેસ નોંધાયા હતા, જ્યારે આ પહેલા 25 એપ્રિલે 2,541 નવા કેસ નોંધાયા હતા, જ્યારે 24 એપ્રિલના રોજ 2,593 નવા કેસ નોંધાયા હતા.